Hamate Sidadaun Nain 2, RONETIL Konsidera Kriminozu

DILI, STLNEWS co – Oknum PNTL neebe hamate sidadaun nain rua iha Suku Lahane no nain ida kanek grave, Rede Observasaun Nasional Elisoens Timor Leste (Ronetil) konsidera hahalok nee hanesan ema kriminozu.

Kestaun nee hatoo husi fundador RONETIL, Laurentino Alves ba STL, liu husi telefone, Sabado (05/06/2021).

Nia hatete, tuir sira nia haree hahalok husi oknum PNTL nee hanesan ema kriminozu ida. Timor-Leste hanesan nasaun demokratiku, tanba nee kualker asaun hotu tenke tuir lei mak vigor iha nasaun Republika Demokratiku Timor-Leste (RDTL).

“Haree ba akontesementu ohin Sabado dader madrugada, oras tuku 02.15, data 05/06/2021, akontesementu iha Suku Lahane, rezulta ema nain 2 mate no ida kanek todan, hahalok husi autor hanesan membru Policia Nasional Timor-Leste (PNTL) nee kontra lei RDTL no asaun husi membru PNTL Ida nee konsidera hanesan kriminozu, tanba tiru mate no hakanek sidadaun bai-bain,” hatete fundador RONETIL nee.

Nia hatutan, ho akontesementu nee RONETIL rekomenda ba Komisariu Jeral PNTL atu loke investigasaun klean ba kazu refere hodi hatene lolos motivu husi akotesementu nee.

Laurentino afirma, liga atitude autor mak hanesan membru PNTL nee lolos la merese atu dedika an ba instituisaun PNTL, ta ba hatudu karakter no mentalidade hanesan premanismu.

Tamba asaun tiru nee hanesan opsaun ikus ba membrus forca PNTL bainhira laiha ona opsaun hodi defende an husi ema neebe mak halo agresaun fizika ka atake ba membru PNTL.*

Reportajen: Emerenciana Pinto
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: