Hapara Violensia Hasoru Feto Iha Mundu Trabalhu

DILI, STLNEWS.co – Konfederasaun Sindikatu Timor Leste (KSTL) realiza marsa 16 dias ativizmu, ho objetivu atu hapara violensia hasoru feto no labarik feto, inklui ema vuneravel sira iha mundu trabalhu.

Lia hirak nee hatoo husi Kordenadora ba Marsa hodi selebra 16 dias ativizmu, Margareta Araujo ba jornalista sira iha Largo Lesidere, Dili, Segunda (11/12/2023).

“Marsa ida ohin loron nee konaba atu komemora 16 dias ativizmu, neebe mak konaba hakotu violensia kontra feto no labarik feto sira,” dehan nia.

Nia hatete, oportunidade ida nee iha mundu trabalhu katak atu halo eliminisaun violensia no asediu kontra feto sira iha servisu fatin, hatene katak aktus de violensia asediu nee mosu feto maluk sira tauk atu koalia sai, entaun aproveita oportunidade ida ohin loron nee para ema hotu hakilar katak violensia asediu iha mundu trabalhu ema ida la tolera.

Ema hotu presiza moris iha servisu neebe seguru no saudavel no dignu ba ema hotu, tanba nee mak ohin 16 dias ativizmu hamutuk ho trabalhadores sira.

Nia dehan, ho atividade ohin loron bele loke ema hotu nia hanoin, tanba trabalhador sira iha mundu trabalhu nee ema sira neebe mak vulneravel liu.

“Tanba nee mak ita hotu tenki hakilar ba buat neebe la loos, ita husu ita nia direitu atu hotu-hotu bele tau matan no bele mos fo oportunidade ba feto sira iha mundu trabalhu hanesan ho mane sira,” katak nia.

Nia informa, atividades refere sei selebra tinan tinan, tarjetu bele halo tinan nee iha Dili, planu sira tuir mai karik sindikatu sira bele halo liu fali ba iha munisipiu sira, tanba ema munisipiu sira mos presiza informasaun.

Iha iha fatin hanesan, Prezidente KSTL, Almeiro Vila Nova hatete, trabalhador feto sira mak vulneravel liu ba iha iha problema salarial.

“Ita identifika trabalhador feto barak mak servisu ho tinan naruk nia laran, maibe sira nia vensimentu nee US$ 115, balu simu menus liu salariu minimu,” dehan nia.

Nia afirma, tanba nee mak iha komemorasaun 16 dias ativizmu nee organizasaun sindikatu hotu hamutuk ho KSTL, hakarak koalia makaas liu ba iha asuntu rua.

Nia hatete, primeiru mak konvensaun ratifikasaun 190 konaba eliminasaun violensia no asediu iha mundu trabalhu nomos koalia konaba salariu minimu, problema salarial neebe mak lao daudaun iha Timor Leste nee la justu no la dignifika moris trabalhador ho nia familia.

Agora tama ona iha fim do ano 2023, governu bele fo prezente murak ba trabalhador ho nia familia liu husi revizaun ba salariu minimu, bazeia ba proposta neebe mak konselhu trabalhu hatoo iha tinan 3 liu ba.

(mar)

LEAVE A REPLY

Please enter your comment!
Please enter your name here