Harii STJ Presiza Rekursu Umanu

DILI, STLNEWS.co – Relasiona ho sosiedade sira nia hanoin atu harii Supremu Tribunal Justisa (STJ), Prezidente Asosiasaun Majislatura Judisial Timor Leste (AMJTL) konsidera, seidauk bele tanba rekursu umanu sei menus.

“Bele hari tribunal, maibe presiza rekursu umanu no tau atensaun ba sentru formasaun, tau infraestrutura tau osan atu bele kontratu ho professor sira, tanba formasaun tenke makas,” dehan Prezidente Asosiasaun Majislatura Judisial Timor Leste, Antoninho Gonçalves ba STL, iha nia knaar fatin Caicoli, Kuarta (12/05/2021).

Nia hatutan, agora lao hela ho lei organizasaun UNTAET nian, tenke altera uluk lei, no aprova lei organizasuan judisial hodi tama iha vigor. No lei nee altera mos tenke preve, iha lei organizasaun judisial hanesan atu harii tribunal distrital iha distritu neebe, maibe haree mos hanesan rekursu umanu tenke sufisiente.

Hanesan mos Prezidente AMJTL nia haree katak, atu hari Supremu Tribunal Justisa presiza rekursu umanu, tanba se loke agora presiza ema nain sia ka sanulu resin mak sei tau iha fatin neeba, tanba nee presiza prepara rekursu umanu.

Seidauk bele harii Supremu Tribunal, tanba prepara uluk rekursu umanu, no lei organizasaun judisial tenke aprova tiha lai, para ita bele harii estatutu majistradu judisial neebe preve ona. Nunee fo atensaun makas liu ba rekursu umanu, tanba sira maka sei ba tur iha fatin neebe estabelese.*

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: