Harii Tribunal Distrital Presiza Altera Lei Organizasaun Judisial

DILI, STLNEWS.co – Administrador Tribunal Distrital Dili, Afonso Carmona hatete, atu harii Tribunal Distrital iha fatin balu neebe seidauk estabelese, presiza halo alterasaun ba lei organizasaun judisial. Maibe agora seidauk harii, sei lao deit ho Tribunal Movel.

Nia dehan, Tribunal Movel meius ida atu responde situasaun temporareamente liu liu kondisaun Tribunal nian, tanba seidauk halo konstrusaun Tribunal iha munisipiu sira hotu. Tribunal Movel atu fasilita no responde delijensia sira neebe akontese loron loron, liu liu ba ema sira neebe vulneravel, tanba sira la asesu ba justisa se transporte la iha no osan la iha atu lao too mai iha kapital. Maibe jurista balu konsidera dehan, Tribunal Movel gastu osan boot.

“Hau hanoin ida nee la relevante, tanba atu halo Tribunal iha munisipiu hotu presiza altera ita nia lei kona ba organizasaun iha tribunal nee rasik, entaun se ida nee halo ona maka governu ka estadu liu husi parlamentu sira maka sei termina Tribunal hirak maka loke tan,” dehan Carmona ba STL, iha TDD, Tersa (11/05/2021).

Nia hatutan, desde uluk too ohin loron sei mantein ho Tribunal sira neebe estabelse iha tempu UNTAET, tanba nee atu responde nesesidade urjente maka halo Tribunal Movel nee. Tanba agora temi deit orgaun Tribunal hanesan Tribunal Rekursu no Tribunal distrital sira Dili, Baucau, Oecuse, no mos Suai.

Nunee seidauk bele estabelese tan Tribunal Distrital ba munisipiu sira, tanba organizasaun judisial seidauk estabelese no halo alterasaun, no fallansu la hatudu se, maibe situasaun agora hanesan nee.

Carmona esplika, liga ho gasto ba Tribunal movel la dun makas, tanba julgamentu movel iha desizaun balu kondena ema ho pena multa liu fali osan neebe gastu, maibe atu hare tribunal iha municipiu sira koalia konaba futuru. No presiza estabelese tribunal iha municipiu sira hare didiak, tanba nia gastu nee boot liu, kompara ho tribunal movel tanba hatama reseita ba estadu mos makas.

Tanba nee nia parte husu sosiedade hotu, atu enkoraja Tribunal sira hodi halao serbisu ho diak, maski seidauk estabelese tribunal iha municipiu sira. Tanba julgamentu movel lori hela justisa hakbesik ba vulneravel sira.

Iha fatin ketak, Jurista Sergio Dias Quintas dehan, atu lori justisa hakbesik liu tan ba povu, jurista konsidera katak, presija kria tan tribunal distrital iha municipiu sira neebe too oras nee dadaun, seidauk estabelese.

“Importante hari tribunal Distrital tamba durante ne justisa konsentra deit iha kapital Dili, no munisipiu balu, neste momentu munisipiu barak mak seidauk iha tribunal entaun importante tebes hodi estabelese tribunais distritais hodi hakbesik justisa ba povu neebe vulneravel, tanba laiha osan atu desloka mai kapital,” dehan Jurista Sergio.

Reportajen: Terezinha de Deus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: