Hasai Direitu Veteranu Laos Solusan

DILI, STLNEWS.co – Deputadu Bankada FRETILIN Jose Agustinho Somotxo, hasai direitu ida hanesan veteranu nee laos solusaun, maibe aumenta fali problema.

“Hau rona dehan atu hasai direitu ida hanesan veteranu, hau hanoin parte ida nee laos solusaun, tanba iha lei ida nee sei aumenta tan problema. Diak liu haree problema diretamente, tanba saida mak nia hakat liu fronteira hamutuk ho joven sira,” dehan nia ba jornalista sira iha Parlamentu Nasional, Tersa nee (14/09/2021).

Tuir Deputadua Bankada FRETILIN Jose Agustinho Somotxo katak, pesoalmente la hatene se mak halo desizaun ida nee, se Konsellu Veteranu mak halo desizaun nee, tenke haree desizaun nee nia impaktu.

Nia dehan, tanba haree deit mak problema ida nee lalika haree buat seluk, tanba inves rezolve problema maibe aumenta tan fali problema.

“Tanba nee hau alerta deit ba Konsellu Veteranus para halo desizaun nee labele hakfoda hola desizaun, maibe tenke haree didiak nia impaktu, tanba baibain nia simu osan se o koa tiha osan depois nia simu tan kastigu,” dehan nia.

Nia tenik, tanba nee mak desizaun tenke lolos para ninia impaktu nee ba iha individu ho estadu nee labele boot.*

Iha biban nee nia hatete, atu destaka FALINTIL Forsa Defeza Timor Leste (F-FDTL) iha fronteira, tenke liu husi konsensu nasional, para evita konfrontus politikus.

“Hau lakohi repete Primeiru Ministru koalia iha PN iha asuntu 2 neebe importante ba nasaun nee mak, krime organizadu ho militarizasaun ba iha fronteira, ida nee hanesan kompete ba ami deputadu sira iha komisaun B, para halo analiza konaba liafuan rua nee, se ita iha ona kondisaun para atu kumpre militarizasaun hau hanoin bele, maibe tenke liu husi konsensu nasional,” dehan nia.

Nia dehan, tanba polisia iha neeba nee mos liu husi politika nasional ida mak ita tau polisia, entaun orgaun soberania sei hola desizaun, tanba seguransa defeza esterna nee sempre iha konstituisaun intrega ba forsa armadas, laos forsa seguransa esterna.*

Reportajen: Domingas Soares

Editor: Ekipa STL  

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: