Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co – Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina. Enkuantu deputada Olinda hatete, $40 deit nee lalikan ba hatan iha tribunal. Liu husi sesaun plenaria Segunda (17/05/2021), iha PN, deputada/u sira halao votasaun ba hasai imunidade deputada Anabela Savio, liu husi votus sekretu, deputada/u nain 50 fo votus afavor, kontra 3, abstensaun 1, branco 1, no nulu 1.

“Iha 56 voletin de votus, afavor 50, kontra 3, abstensaun 1, votus branco 1, votu nulu 1, total 56 deputadus, nunee deputada Anabela Savio nia imunidade levanta ona,” anunsiu PPN Aniceto Guterres, iha plenaria.

Iha intervensaun husi Deputada Bankada KHUNTO, Olinda Guterres, hatete haree ba kazu nee kiik hela, tanba saida mak tenke lori ba tribunal, ida nee halo moe deputadu sira, tanba kazu nee ba osan $40 deit, latoo $50, nee mos hakarak lori ba tribunal.

“Ida nee halo moe ita deputadu/a sira, gara-gara ita ajuda ita nia laen, neebe hau vota kontra, tanba deit 40 dolar deputada atu ba hatudu oin iha tribunal, ida nee sistema judisiariu iha Timor la imparsial, tanba saida mak tribunal haruka karta mai PPN, nee deputadu, laos xefe suku, ka xefe aldeia,” katak Olinda.

Nia haktuir, relasiona ho kazu nee antes deputada Anabela fo sai ona iha PN, neebe la presiza lori ba too tribunal.

Nia enkoraja deputada/u sira katak, iha PN sira mak haree malu, apoiu malu, tanba nee lalika vota afavor ba karta tribunal, tanba $40 deputada atu ba hatudu oin iha tribunal, be ema lori millaun ba millaun la ba hatan tok ida.

“Lalikan vota afavor, se mak koalia hau prontu ajuda fali fo osan 400 dolar, naran katak deputada labele ba hatan iha tribunal, katak ema naok ten, ema koruptor,” tenik Olinda.

Enkuantu tuir Deputadu PD Adriano do Nascimento hatete, tribunal bolu atu hatuur lia loos no justisa, katak ema nee sala ka lae. Se la ba hatan, publiku hatete ema nee sala ona, i bele julgamentu popular katak deputada nee naok, tanba nee mak nia hanoin PN tenke autoriza deputada ba, kestaun los ho sala nee iha tribunal, tanba keisa iha ona.

“Ita labele kestiona lais ou kleur, tanba nee tuir hau hakarak deputada tenke ba, se deputada la ba nee naran foer untuk selamanya i ema sei hatete problema nee, neebe ba iha tribunal mak deside.”, hatete deputadu bankada PD nee.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: