Hasoru Susar, Penhor Oan; Konsidera Krime, Presiza Investiga

DILI, STLNEWS.co – Relasiona ho inan neebe penhor nia oan atu selu uma kos, Prezidente Parlamentu Nasional (PPN), Aniceto Guterres konsidera tama kategoria krime, presiza halo investigasaun neebe klean.

Nia dehan, inan ka aman neebe penhor nia oan nee komete krime, no ida neebe simu penhor nee mos komete krime hotu.

“Hau sei husu ba governu Ministru Interior ba PNTL atu investiga los ka lae, se los nee tenke prosesa, se la los mos tenke deklara nee krime,” dehan nia liu husi Plenaria iha PN, Segunda (17/05/2021).

PPN hatutan, ida neebe penhor nia oan nee la sai atensaun ona, i ida iha deklarasaun seluk maka sai fali viral nee parese buat ruma la los, tanba nee hakarak atu konfirma didiak ida nee los ka sala.

Aleinde nee, Xefe Bankada KHUNTO, Deputada Olinda Guterres dehan, mana ida nee atu penhor nia oan husu ba governu liu-liu ministeru neebe haree ba sesta bazika atu bele too ba nia fatin.

Nia mos hatutan, hanoin fali iha tempu 75 iha ai-laran, han ai-tahan moruk daan, han ho masin diak hela, no too fali iha malae mutin nia tempu mos seidauk tane liman ba malae mutin, too fali iha Indonezia nia tempu ema hotu hatene no seidauk tane liman ba Indonezia atu fo hahan.

“Maibe ida nee tanba deit hahan laiha gadai nia oan ba osan nee politika, no media sira halo hanesan nee para atu halo moe no halo monu governu, hau la fiar ema ida atu lori fali nia oan ba gadai ba uma kuartu ida folin 35 dolar nee lojika nee iha neebe,” dehan nia.

Nia hatete, media sira halao servisu ho imparsial labele foti riba ba no riba mai depois ami iha nee maka han.

Iha fatin hanesan Deputadu Bankada PD, Adrinano do Nasimento hatete, impaktu Covid-19 ba vida moris sosial no ekonomika.

“Tristeza boot ida tanba husi media publika iha sidadaun ida no iha loron familia neebe ita selebra dadauk nee, iha familia ida neebe penhor nia oan atu selu kos. Hau husu governu atu toma medidas kestaun umanidade,” nia dehan.

Nia afirma, haree para nia labele hetan presaun psikolojika tanba deit ida nee, nia bele hola opsaun seluk ba nia moris, se kuandu nia hetan presaun psikolojika.

“Hau hanoin identifika tok ho fontes GMN neebe publika, para atu bele fo medidas ruma hodi ajuda karik kazu nee real,” hatutan nia.

Entretantu Deputada Bankada FRETILIN, Gabriela Alves, dehan iha preokupasaun barak iha media GMN neebe halo publikasaun kona ba feto maluk neebe penhor nia oan.

“Hau hakarak husu ba Ministru MAPCOMS, media neebe tutela ba ministru nia kompetensia nee nia knaar saida mak loron-loron GMN mak fo sai, i media nee nunka koalia sai buat ida,” dehan nia.

Reportajen: Domingas Soares/Guilhermina Franco/Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: