Hasoru Terus, Jesus Hanorin Tau Metin Fiar

DILI, STLNEWS.co – Hasoru terus no susar iha moris, keta tauk, Jesus hanorin ema atu tau fiar nafatin iha Maromak.

Kestaun nee hato’o husi Padre Richardo Pasang, SVD ba STL, Liu husi telefone Kuarta nee (24/11/2021) iha nia refleksaun Biblia.

Nia hatete, barani simu terus tanba ema haterus no hatama iha dadur laran, la fasil ba ema barak hodi hasoru nunee. Jeralmente, ema sei hakiduk se hasoru terus nunee, no hili opsaun la inklui an no hakarak salva nia an hodi moris hakmatek. Ema barak mos gosta liu tuir deit, lakohi atu kontra ema seluk ho konsekuensia katak ema sei odi, karik sei oho ema sei hakiduk.

“Evanjellu ohin loron fanu ita nia konsiénsia no espiritu aten barani atu hasoru situasaun hanesan nee. Jesus husu ba ita hotu bainhira hasoru situasaun nunee, atu metin nafatin ho ita nia fuan no keta hanoin buat oin-oin, oinsa atu bele defende ita nia-an ba inimigu sira. Evanjellu hateten katak, sekuandu ema haterus no hatama ita iha dadur laran, ema fiar nain sira sei hetan lia matenek neebe imi nia funu baluk sira hotu sei la bele tahan eh koalia hasoru. Maromak sei defende imi ho liafuan kmanek, matenek hodi hasoru inimigu sira,” dehan padre nee.

Amu Lulik nee hatutan, ema fiar nain sira neebe hasoru terus, susar no tentasaun oin-oin, keta tauk tanba Maromak sei hamutuk ho ita. Ema neebe hetan Maromak nia protesaun, fuuk lahan ida mos sei la lakon, imi sei soi imi nia klamar, Maromak nia protesaun totalmente metin tebes-tebes, la iha koak ida ba inimigu sira bela tama.

(eme)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...