Hatama Sasan Ilegal Tenke Fo Sansaun Todan

DILI, STLNEWS.co – Vise Prezidente Parlamentu Nasional (V-PPN) Maria Angelina Lopes Sarmento afirma, husu governu tenke hanoin propoin lei atu haree sasan sira kuandu tama ilegal, presiza iha investigasaun klean i detekta ema ruma involve iha laran tenke fo sansaun ida neebe todan, atu nunee labele halimar ho soberania nasaun nian.

“Presiza iha investigasaun ba ida nee se mak iha kotuk, serake ida nee krime organizadu ka pur intensaun husi grupu ida rua, se bele governu tenke hanoin propoin lei atu haree sasan sira kuandu tama ilegal, presiza iha investigasaun ida klean mak detekta ema ruma involve iha laran fo sansaun ida ke todan, atu nunee ita labele halimar ho soberania nasaun ida nee nian,” dehan nia ba jornalista sira iha PN, Kuarta nee (08/09/2021).

Nia dehan, pesoalmente hanoin buat neebe diak i haree mak governu iha sensibilidade ba asuntu sira nee hodi tau  fronteira sira ho rigorozu tebes – tebes, atu haree ema ultrapasa fronteira ilegamente lori tama sasan sira neebe la bele lori liu husi ilegal, presiza kontrolu ida forte ba situasaun nee.

Nunee mos Xefe Bankada FRETILIN Francisco Miranda Branco afirma, bazeia ba Primeiru Ministru Taur Matan Ruak nia intervensaun iha plenaria PN konaba pedidu renovasaun ba deklarasaun EE ba dala XVI hodi hatan ba deputadu sira.

“Kestaun kontrolu fronteira no pasajen ilegal 98% hanesan krime organizadu, no situasaun ida nee  akontese tempu naruk ona, envolve ita nia pesoal polisia balun no individu veteranu balu. Entaun ami haree asuntu ida nee preokupante tebes ba soberania Estadu RDTL nian, bainhira krime organizadu envolve membru instituisaun estadu nian, nee sai institusionalizadu,” dehan nia.

Nia dehan, iha aprezentasaun relatoriu anual ba PN fila – fila ona mak Prokurador Geral da Republika relata katak, bazeia ba frekuensia kazu sira neebe hetan investigasaun, TL sai nuudar ponto de transito ba droga no ba brankeamentu kapital

Nia tenik, tanba krime organizadu akontese bainhira grupu ida estruturadu neebe eziste tempu balun ona, komete infrasaun grave ruma ho intensaun atu direta ka indiretamente hetan benefisiu ekonomiku ka material.*

Reportajen: Domingas Soares

Editor: Ekipa STL  

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: