Hetan Apoiu Husi Xanana Ho Ekipa, Feto Faluk Hamonu Matan-Ben

DILI, STLNEWS.co – Inan feton ka feto faluk Lorena Isac Sarmento, hanesan mos vitima ba inundasaun, hamonu matan-ben, bainhira hetan ajuda husi Xanana Gusmão ho nia ekipa, reabilita nia uma.

Tuir inan feton Lorena Isac Sarmento, nuudar vitima ba inundasaun nee hatete durante inundasaun sira evakua lalori sasan hotu, so salva sira nia an deit. Maibe too agora sira seidauk hetan apoiu husi ema se deit, so Avo Nana mak tama iha sira nia bairru hodi apoiu.

“Depois inundasaun ami evakua, sasan lasalva, maibe agora bee maran ona, ami fila hikas mai uma, i agora Avo Nana ho nia ekipa sira mai ajuda hau hodi hamos no hadia uma. Ida nee hau agradese tebes, tanba durante nee laiha ema ida mai hodi ajuda, sorti Avo Nana mai apoiu, selae ami sente trisite los ba buat hotu,” hatete Lorena ba STL ho tanis Domingo nee (09/05/2021), iha Maslidun, Rai-Sokat.

Foto: STL/Madalena Horta

Nia dehan, Avo Nana ho ekipa sira mai hamos hodi reabilita nahe uma laran tomak, nia parte agradese tebes i hatoo obrigado ba Avo Nana ho mos nia ekipa sira, neebe ho laran luak hodi sevisu hadia nia uma.

Entretantu observasaun jornalista STL haree katak, lider karismatiku Kay Rala Xanana Gusmão, hamutuk ho nia ekipa nafatin ajuda komunidade sira neebe sofre ba inundasaun, lider nee lasente kolen hodi servisu loron-loron, hahu husi dader too loraik.*

Reportajen: Guilhermina Franco/Madalena
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: