Hetan Karta Suspensaun, Amu Martinho: Hau Sente Baibain, Tanba Sukat Tinan Naruk Ona

DILI, STLNEWS.co – Relasiona ho karta suspensaun husi Dioseze Baucau, Dom Basílio do Nascimento, Padre Martinho Germano da Silva Gusmão hatete, nia sente baibain, tanba nia tetu buat hotu tinan naruk ona.

Padre Martinho Gusmao hato’o kestaun nee ba STL liu husi telefone, Kuarta kalan nee (01/09/2021) hatete, padre husu renuncia, uluk liu nee hakarak atu ba estuda iha rai liur maibe livre, no hanoin didiak karik atu koko sai misionariu. Maske uluk kedas partidu PD koalia, tuir mai Primeiru Ministru Taur Matan Ruak mos husu, ikus liu mak partidu PUDD.

Maibe mentalmente nia la preparadu atu husik hela Timor ba moris iha rai liur. Nunee mos tan pesti Covid-19 nee impede nia dalan ba rai liur.

Padre dehan, nia hanoin no hakarak buat ida, Maromak dudu ba buat seluk. Padre fiar Maromak mak taka dalan nia ba rai liur.

“Hau nia sentimentu baibain deit. Tanba hau hanoin, harohan, tetu no sukat buat sira hotu iha tinan naruk nia laran. Nee duni hau mak husu, tan nee hau sente kmaan ona simu surat husi bispu,” dehan nia.

Padre Martinho hatutan, husi karta suspensaun labele halo knaar nai lulik, maibe padre nafatin halo atividade relijiosa.

“karta suspensaun nee atu dehan, hau labele halo knaar nai lulik nian, maibe bele halo atividade religiosa. Hau bele reza nafatin, ba misa, no bispu husu tulun atu halo sasan uma kreda nian, hau bele halo nafatin so labele halo misa, labele rona konfesa, labele fo sakramentu hotu – hotu, maibe moris nuudar sarani no tulun amu lulik sira, nee bele lao nafatin,” katak padre nee.

Nia afirma liutan, bispu fo karta suspensaun, Amu Papa fo karta demisaun, rua nee la hanesan. Bainhira bispu fo ona karta suspensaun, nee bispu mak sei esplika ba Santu Padre konaba padre nia desizaun.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: