Hetan Servisu, Depende Ema Nia Esforsu

DILI, STLNEWS.co – Graduadus sira atu hetan servisu lalais, nee depende ba ema ida-idak nian esforsu, maibe too ohin loron kampu servisu iha rai laran menus.

“Hau hanoin bainhira ita remata ona ita nian estudu iha ensinu superior, ita rasik mak sei esforsu an hodi huka servisu, tanba ita labele hein no tur deit iha uma lae, agora ita tenke sai ba buka informasaun, no karik iha instituisaun ruma loke vaga ita tenke koko hatama ita nian dokumentus, maibe ida nee mos depende ba ita nian area neebe ita hili, tanba ita naran hatama deit ita nian dokumentus, depois area nee laos ita nian, hau hanoin ida nee mos ladun diak. Ita tenke esforsu an rasik, se ita lakohi buka informasaun nee susar atu hetan servisu, tanba agora nee ema barak mak buka servisu, balun too ba servisu deit iha rai liur, tanba ita nian kampu servisu iha rai laran menus,” dehan Rosita Maria Nunes hanesan graduadus husi UNPAZ, Fakuldade Ekonomia ba STL liu husi telefone, Kuarta (30/06/2021).

Rosita dehan, maske remata ona ninia estudu iha tinan 2019, maibe dadaun nee sei esforsu an nafatin para buka servisu, agora ho situasaun Covid-19, governu laiha osan, entaun instituisaun sira mos la loke vaga, maibe nafatin esforsu an, keta loron ruma bele pasa iha vaga ruma, tanba atu hetan servisu nee, depende ba ema ida-idak nian esforsu para buka servisu.

Iha parte seluk Reitor UNPAZ, Adolmando Soares Amaral dehan, los duni katak kada tinan universidade no instituto sira halo graduasaun ba nian finalista sira, agora graduadus sira remata ona, nee sira bele kompete iha kampu servisu, maibe graduadus UNPAZ nian kuaze barak hetan ona servisu.

“Hau hanoin graduadus husi ami nian UNPAZ rasik barak mak hetan ona servisu, tanba bainhira remata ona sira kompete kedas iha kampu servisu, tanba sira iha ona koinesementu ba area neebe sira hili iha universidade,” tenik nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: