HOAX Halo Tauk Ema Vasina; La Los Matebian Saturnino Mate Tanba Vasina

DILI, STLNEWS.co – Informasaun hoax ka falsu neebe iha publika sosial media katak, matebian Saturnino do Rego Alves neebe mate iha Suku Madohi, Aldeia Loro Matan nee dehan vasina AstraZeneca maka halo nia mate, tanba nee familia rejeita total informasaun hoax nee, matebian mate tanba iha moras tensaun no moras seluk.

Tuir familia matebian, Feliciano Alves informa, familia rejeita informasaun neebe dehan nia alin ka oan matebian Saturnino do Rego Alves ho idade 47 iha sosial media katak, matebian mate tanba hetan vasina AstraZeneca, ida nee la los.

“Ami familia matebian hatoo ba publiku katak, ami nia alin ou oan mate nee dehan vasina mak halo nia mate, informasauan ida nee la los. Ida nee informasaun falsu,” hatete Feliciano Alves ba jornalista sira iha matebian nia uma, Aldeia Loro Matan, Suku Madohi, Sesta lokraik (14/05/2021).

Nia dehan, matebian rasik foti desizaun ba vasina, laos ema mak obriga nian, tanba nee nia vasina hotu nia fila mai uma ezije ba familia uma laran, liu-liu nia fen no oan ba hotu vasina, tanba vasina mak dalan uniku atu prevene Covid-19.

“Ami atu deklara, ami nia alin ka oan nia vasina hotu, fila-fali mai uma no hamutuk ho familia ho kondisaun diak, depois iha momentu nia vasina nee iha 12:00. Nia fila mai hamutuk ho familia la iha problema,” nia esplika.

Depois oras 4 (16:00 OTL) hanesan nee mosu dezentendementu iha uma laran, entaun matebian la simu ida nee, ho nonok deit entaun husi nee tensaun aas, tanba nee familia lori ba postu saude, depois labele sira lori fali ba HNGV.

“Familia lori matebian ba HNGV depois iha oras 8 nia laran, matebian alta tanba kondisaun rekopera ona, depois nia sente diak ona, maibe too fali madrugada tuku 5 akontese tan fali, ami lori ba HNGV maibe la salva ona,” nia hatutan.

Tanba nee familia la dehan vasina mak halo nia mate, maibe kauza husi dezentendimentu uma laran, hamosu provoka nia tensaun mak ikus mai liu mate.

Matebian Saturnino do Rego Alves. (Foto: STL/Jeniche da Costa)

Iha parte ketak, Prezidente Asosiasaun Mediku Iha Timor-Leste (AMTL), doutor Andre Menteiro dehan, kazu sira hanesan nee presiza halo investigasaun, atu nunee fo konfiansa nafatin ba komunidade sira atu bele tuir vasina AstraZeneca, sei ema deskonesidu tau estatus hanesan nee iha sosial media, nee halo tauk kominidade sira, tanbe nee presiza Polisia Nasional Timor-Leste (PNTL) buka tuir, atu nunee informasuan nee klaru.

“Se lae ema tauk ba vasina, tanba vasina nee mak metode uniku ba ita bele halo prevensaun diak, laiha tan seluk, selain halo fase liman no distansia sosial, sei ita lakohi hotu nee ita bele hanesan nasaun sira seluk,” nia esplika.

Nia afirma, sira neebe halo hoax iha sosial media ka facebook, nee husu PNTL kaer no investiga, tanba se informasuan dehan ema nee mate tanba vasina AstraZeneca. Ida nee presiza investigasaun klean.

“Atu nunee ita bele hatene, tanba sei vaksin nee risku boot entaun ita halo prevensaun, tanba ita hotu hatene katak vasina AstraZeneca nee mai husi Australia, no ema barak mak vasina ona mais kondisaun diak hotu,” nia dehan.

Tanba nee tuir nia rona katak iha ema balun mak tau estatus falsu iha Facebook, tanba familia rasik la tau ida, tanba nee husu ba komunidade tomak labele fiar sosial media.

Nia hatutan, la bele dehan vasina halo ema mate, tanba ema kuandu vasina nee presiza hatene ema nee nia kondisaun antes vasina nee oinsa, moras ruma iha ou nia tensaun aas, tanba efek samping ba vaksin nee, kompara ho infeksaun husi Covid-19 nee risku kiik liu kuandu ita hetan vasina.

Doutor nee esplika, saida deit mak tama iha isin nee bele fo reasaun, depende ba ema ida-idak nia isin, tanba nee balun sura menit deit, bele mos sura 24 oras, mais depende ba reasaun tipu ida neebe.*

Reportajen: Jeniche da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: