Hola Kareta Laos Urjensia, Governu Tenke Hola Hahan Ba Povu

DILI, STLNEWS.co – Sosiedade Sivil  Asosiasaun HAK hanoin katak, planu Parlamentu Nasional (PN) atu sosa kareta ba deputadu sira laos urjensia, situasaun agora dadaun obriga governu tenke tau osan hodi hola hahan ba povu.

Tuir Primeira Vise Asosiasaun HAK, Filomena Barros hatete, laos urjensia ida ba Parlamentu Nasional atu sosa tan kareta ida neebe urjensia. Agora dadaun mak governu tenke tau osan hodi hola hahan ba povu sira.

“Ho Konfinamentu Obrigatoriu (KO) neebe governu aplika produtores barak lakon sira nia produtu, transporte publika sira para hotu, nunee governu tenke hakonu duni nesesidade baziku ba povu, laos tau fali osan hodi hola kareta ida nee laos urjensia,” dehan Filomena ba STL iha nia Knaar fatin Farol, Dili, Segunda nee (06/09/2021).

Nia dehan, governu halo politika oin – oin hodi sulan povu, nunee povu balun laiha osan hola hahan sustenta moris, maibe PN hanoin fali atu hola kareta.

Iha fatin ketak Diretur Ezekutivu Luta Hamutuk, Jose Alves da Costa haktuir, presiza governu difine didiak, tanba Timor Leste laos produtor kareta, nunee Timor Leste gasta deit osan hodi fo bosu rai liur.

“Ita nia problema nee saida mak PN Hakarak hola tan kareta, durante nee deputadu/a sira lao ain deit ka, laos ho kareta,” tenik nia.

Nia hatete, povu balun deit oras nee dadaun hola deit foos karon ida Labele, maibe ukun nain sira goja osan povu nian iha tempu neebe povu sofre ba hamlaha.

Tanba nee husu ba Primeiru Ministru atu haree asuntu hirak nee, se bainhira tinan – tinan mak deputadu/a sira hakarak kareta foun hela deit, diak liu hapara ou rezigna an tiha.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...