Horta Agradese Votus Konfiansa Husi Povu TL

DILI, STLNEWS.co – Kandidatu Prezidente Republika (PR), Jose Ramos Horta hatoo agradese no hakuak boot ba povu Timor Leste (TL), neebe maka fo ona votus konfiansa ba nia iha eleisaun prezidensial segunda volta.

“Seidauk iha rezultadu formal ida mai husi orgaun de estadu nian, maibe hakarak aproveita oportunidade ida nee atu hatoo agradese ba povu TL neebe fo ona votus konfiansa  ba hau iha eleisaun prezidensial segunda volta, no agradese ba Polisia Nasional Timor Leste (PNTL) no FALINTIL – Forsa Defeza Timor Leste (F-FDTL) neebe apoiu ona seguransa iha rai ida nee durante prosesu eleisaun nee lao ho diak,” dehan Kandidatu Prezidente Republika, Jose Ramos Horta ba jornalista Kuarta nee (20/04/2022) liu husi konferensia imprensa iha sede kandidatu Osindo, Dili.

Nia aforma liu tan, eleisaun segunda volta ida nee mosu problema barak, iha Oekusse ema sunu elementus CNRT ida nia uma, akontese violensia iha Watulari, no foin daudaun iha Baguia, no primeiru ronde akontese mos iha Baukau hodi rezulta elementus KHUNTO nian ida mate, tanba violensia mai husi partidu neebe ligasaun diak ho KHUNTO, PLP.

“Hau haree husi Partidu CNRT nian apoiantes hotu-hotu, husi kandidatura hau nian partidu politiku, movimentu hotu-hotu no grupu oin-oin, la iha rejistu polisial ba violensia ruma, tanba nee hotu-hotu nia komportamentu diak tebes, tan nee hau nia parabes ba apoiantes hotu-hotu iha TL, tanba durante periodu ida nee la iha keisa provokasaun ruma,” dehan Horta.

Iha fatin hanesan, portavos kandidatura Prezidente Republika Jose Ramos Horta, Tomas Cabral hatutan, agradese ba hotu-hotu nia apoiu servisu iha eleisaun segunda volta ida nee, tanba rezultadu votasaun sei lori vitoria diak ba kandidatura ho numeru sorteu 1, tan nee hein nafatin rezultadu final husi Servisu Tekniku Administrasaun Eleitoral (STAE) sei haruka mai iha Komisaun Nasional ba Eleisaun (CNE – sigla portugues), tanba nee sekretariadu sei konvoka reuniaun hodi fo sai rezultadu nee ba iha publiku.

(gui)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...