DILI, STLNEWS.co – Hafoin remata sorumutu ho Primeriu Ministru Taur Matan Ruak iha Palasiu Governu lokraik nee, prezidente eleitu Jose Ramos Horta kontinua hakat kedan ba edfisiu ZEEMS hodi realiza dialogu ho Sekretariu Jeral FRETILIN i Kordenador Plataforma Intendimentu, Mari Alkatiri.
Hafoin remata sorumutu ho Sekretariu Jeral FRETILIN, Marí Alkatiri, ba jornalista sira Ramos Horta katak, nia mai hasoru Koordenador Plataforma nee atu halo konsultasaun relasiona ho dezafiu neebe Timor enfrenta.
“Ohin hau mai hasoru Koordenador Plataforma Koligasaun, konsulta, koalia konaba dezafiu boot neebe ita enfrenta,” katak prezidente eleitu nee iha Farol, Kinta nee (05/04/2022).
Iha sorumutu ho Mari Alkatiri nee prezidente eleitu nee hatoo mos nia preokupasaun ba Koordenador Plataforma Koligasaun nee, atu husu lider nasional sira tuur hamutuk hodi taka dalan ba krizi sosial no situasaun mundial hodi labele fo impaktu mai Timor.
Kontinua ba pajina 2
