Horta: Hau Mak PM Tau Osan Boot Ba Edukasaun

DILI, STLNEWS.co – Eis Prezidente Republika Jose Ramos Horta afirma, karik nia mak Primeiru Ministru (PM) sei tau osan boot ba setor edukasaun iha rai laran.

Kestaun nee Ramos Horta haktuir bainhira sai hanesan orador iha seminariu nasional, neebe halao husi Universidade Nasional Timor Lorosae (UNTL), Fakuldade Siensia Sosiais hodi komemora loron Proklomasaun Independensia RDTL 28 Novembru 1975-2021 ba dala XLVI (46), ho tema “Implementasaun Programa VIII Governu Konstituisional Ho Ambitu Pandemia Covid-19 Iha TL,” iha Caikoli, Dili, Kinta nee (25/11/2021).

“Hau sente kontente tebes katak, hau sempre fo fuan ba joven no estudante sira, hau mak Primeiru Ministru karik, hau tau osan boot ba setor edukasaun, dezde kosok oan sira to’o iha universitariu, hau fuan kanek bainhira hau rona estudantes sena malu iha uma aat boot, sira aluga fulan-fulan,” dehan nia.

Horta dehan, estudantes balun aluga uma fulan – fulan US$ 50, bee no sintina laiha, dala ruma sira han, maibe dala ruma koalia ho estudante sira nee katak, ohin han saida, maibe sira hatan la han.

“Tuir hau nia haree seidauk fo apoiu makaas ba estudante sira, tanba laos deit selu propinas, maibe ba sira nia hahan, hela fatin, depois tinan – tinan estudantes tenke halo chek up ho doutor, bainhira iha moras ruma tenke halo kedas tratamentu. Estudantes tenke hemu bee moos,” hatete nia.

Nia hatutan, tema neebe atu koalia iha seminariu ida nee, komunidade internasional nia hanoin katak, ho situasaun pandemia Covid-19, ho krize boot iha mundu, no hakiduk demokrasia iha Amerika, Europa, India, Kolonia, dezafiu boot iha Brazil, ho eleisaun tinan haat ou lima liu ba, iha rai seluk tan sistema direita avansa, maibe iha fatin balun, sistema direita mak manan deit.

Iha fatin hanesan, Reitor UNTL, Joao Soares Martins hatete, seminariu ida nee inisiativa mai husi Fakuldade Siensia Sosiais ninia, iha ambitu komemora loron proklamasaun unilateral loron 28 Novembru 1975, ba tinan ida nee nian, fakuldade organiza, liu – liu jerasaun foun sira atu bele hatene moris luta ba independensia ida nee.

Nia dehan, eventu ida nee halo hodi komemora loron proklamasaun independensia, tanba nee, sente kontente tebes, agradese ba eis prezidente Jose Ramos Horta, Ministru Fidelis, Deputadu Hugo, inklui deputadu balun sei mai tan, sei fahe mos sira nia hanoin ba estudante sira, liu – liu ba jerasaun foun sira.

(jac/alb)

LEAVE A REPLY

Please enter your comment!
Please enter your name here

NEWS UPDATE

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...