Horta: Hau Sei Apoiu Jerasaun Foun Hetan Fiar Husi Partidu CNRT

DILI, STLNEWS.co – Eis Prezidente Republika no Laureadu Nobel da Paz, José Ramos Horta, hatete nia sei apoiu kandidatu neebe mak sei hetan fiar husi Partidu Congresso Nacional de Reconstrução de Timor (CNRT) hodi kompete iha eleisaun Prezidensial 2022.

“Hau atu hatete, hau seidauk bele anunsia hau nia kandidatu no sei kandidatu ka lae, i hanesan ita boot sira hatete hein maun boot Xanana nia desizaun, no karik maun Xanana hili ema balun husi Partidu CNRT hau apoiu 100%,” dehan Ramos Horta liu husi nia deskursu wainhira partisipa iha konferensia Nasional Uniaun dos Movimentos Democratico Patriotas iha salaun São José Katedral, Sesta (29/10/2021).

Ramos Horta afirma, wainhira Xanana hakarak fo responsabilidade ruma entaun nia hili sai hanesan embaixador ba Vatikanu, tanba antes nee nia asume ona pasta hanesan xefe estadu.

“Hau hola ona buat barak iha hau nia vida ida nee no hau la buka poder kadeira no inimigu, no hau hakarak mak ami jerasaun 1975 neebe estrada vida nia atu besik remata ona, i too ona pontu ida ami tenki entrega ba imi, jerasaun foun sira tenki tuir regra no tuir previzibilidade nomos iha vizibilidade iha Parlamentu Nasional, iha vida politika, no tribunal labele halo politizasaun,” dehan nia.

Antes nee Adjuntu Sekretariu Jeral Partidu CNRT, Francisco da Costa Guterres, hateten Partidu CNRT sei prepara nia figura hodi avansa ba kandidatura Prezidente Republika tinan 2022 too 2027, kandidatura nee bele mai husi partidu rasik ou bele mos husi fatin seluk, karik mai husi fatin seluk mak Prezidente Partidu CNRT Kay Rala Xanana Gusmão sei hamriik iha kandidatu nee nia kotuk, hodi luta ba eleisaun prezidensial atu nunee bele hadia povu nia moris.

“Ami seidauk fo sai partidu CNRT atu fo apoiu ba se, tanba sei liu husi konferensia nasional, kandidatura neebe CNRT atu apoiu nee bele mai husi partidu CNRT rasik, ou bele mai husi partidu seluk, karik mai husi partidu seluk mak Prezidente Partidu CNRT Kay Rala Xanana Gusmão sei hamriik iha ema nee nia kotuk hodi avansa ba oin, tanba mehi CNRT nian mak atu hadia povu nia moris,” dehan Adjuntu Sekretariu Jeral Partidu CNRT nee ba STL iha 9 Outubru 2021 liu ba iha Munispiu Bobonaro, Postu Administrativu Maliana, Suku Lahomea, Aldeia Genuha.

(alb)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...