Horta: Labele Kritika Demais Governu

DILI, STLNEWS.co – Eis Prezidente Republika no Laureadu Nobel da Paz, Jose Ramos Horta hatete, nia parte komprende defikuldade neebe governu hasoru, ho nunee nia tenta atu labele kritika asaun governativa.

Lia hirak nee hatoo husi Jose Ramos Horta, bainhira halo vizita ba knua STL, Segunda (14/06/2021).

Nia dehan, konaba situasaun rai laran, nia nuudar ema ida neebe uluk partisipa iha Primeiru Governu, depois sai Prezidente, nomos kolabora metin ho governu balu iha mundu nee, diretamente ou indiretamente sempre komprende defikuldade neebe governu hasoru.

“Tanba nee hau tenta sempre labele kritika demais asaun governativa, governu nian uluk wainhira hau Prezidente da Republika iha governu AMP, hau simu todan nee iha 2007. Primeiru 2006, nuudar Primeiru Ministru depois situasaun sai defisil tebes, defisil ba Timor Leste tomak, ita enfrenta situasaun seguransa, povu lakon fiar,” katak nia.

Eis Prezidente nee mos hatete, krize signfika oportunidade, oportunidade primeiru mak hatudu lideransa.

“Iha krize covid ita nia situasaun defisil tebes tebes, maibe Timor Leste labele hatete deit ladiak, iha instrumentu ruma para enfrenta covid diak i enfrenta situasaun resesaun mundial, tanba instrumentu ida katak aimoruk neebe mak disponivel iha merkadu mundial, hahan no instrumentu hotu neebe iha disponivel, Timor Leste presiza hodi sosa para mobiliza,” nia tenik. *

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: