DILI, STLNEWS.co – Hahu loke urnas kontajen de votu iha Sentru Votasaun Eskola Baziku Sentral Farol, Kandidatura Prezidente Republika Jose Ramos Horta ho numeru sorteiu 1 maka hetan votus primeiru.
Tuir observasaun jornalista STL iha terenu, daudaun nee fiskais husi Sekretariu Tekniku Administrasaun Eleitoral (STAE) hahu hela kontajen de votu iha urnas 1, no hela urnas 3.
Enkuantu, iha kontajen de votu nee kandidatura Prezidente Republika Jose Ramos Horta maka provizoriu hetan votus barak liu, husi kandidatura Prezidente Republika Fransisco Guterres Lú Olo.
Kontajen de votus iha sentru votasaun nee hahu iha oras tuku 3:50 lokraik ate agora. Iha sentru votasaun neebe lokaliza iha EBC numeru 1 Farol nee fahe ba estasaun 4.
Partisipa iha kontajen de votu nee, observador husi Partidu CNRT no FRETILIN, observador husi UNDP, Uniaun Europeia, media nasional no internasional, no hetan seguransa masimu husi Polisia Nasional Timor Leste (PNTL).
(san)
