Horta: Respeita Dignidade – Privasidade Vitima; La Konkorda Tau Fotografia

DILI, STLNEWS.co – Eis Prezidente Republika no Laureadu Nobel da Paz, Jose Ramos Horta, husu atu ema hotu respeita dignidade no privasidade ema nian, liu liu vitima sira ne’ebe hetan violensia.

“Respeita dignidade privasidade ema nian, vitima sira nian. Laos vitima sira deit, dala ruma ema ida halo krime, polisia sira halai ba kaer ema ne’e, tuir loloos labele halo ida ne’e, dala ruma alsema tan ema ne’e,” dehan Horta iha seminariu ba aniversariu STL TV – Radio ba dala 12 nian, Kuarta (20/10/2021).

Nia hatutan, Prezidente no Primeiru Ministru babain koalia ida ne’e, ema iha dignidade, maske nia halo sala.

Tanba nee, mezmu tribunal hasai ona desizaun, sei iha tribunal rekursu. Esplika tan, prokurador halo deit keixa, no aprezenta keixa ba tribunal, prokurador la deside ema ne’e sala ka la sala, no la konkorda tau foto vitma sira nian.

“Hau la konkorda, tau fotografia imajen vitima nian, tanba hatun nia familia no oan sira nia dignidade no sira akuzadu ne’e mos,” dehan nia.

Eis Prezidente nee fo ezemplu, se nia mak jornalista, rona kazu ida konaba elementu politiku ruma ba kazu korupsaun, laos hakerek kedan, mezmu hetan faktus barak, maibe halo perguntas ba an rasik, buat ne’ebe hakerek interese ba publiku ka lae, konsekuensia ba nia familia ka lae, buat ne’ebe hekerek importante ba sosiedade ka lae.

Tanba tuir lider ne’e, jornalista laos juiz / prokurador buat ne’ebe hakerek seidauk loos, dala ruma bele loke prosesu judisial.

Tuir observasaun STL nian katak, dala barak kazu ne’ebe lori to’o iha tribunal, iha balu julgamentu remata tribunal absolve arguidu sira, tanba la iha indisiu forte.

No kazu balu mos, tribunal kondena tiha arguidu sira, maibe defeza halo fali rekursu ba iha tribunal rekursu, no ikus mai absolve fali. Maibe iha kazu balu mak hetan kondenasaun, hanesan kazu omisidiu no violasaun seksual.

(ter)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...