DILI, STLNEWS.co – Prezidente eleitu Dr. Jose Ramos Horta simu karta kongratulasaun husi Prezindente Republika Popular Xina (RPC), neebe ofisialmente oferese husi Embaixador Xina iha Timor Leste.
Hafoin remata sorumutu ho Embaixador Xina, Xiao Jinguo ba jornalista sira Ramos Horta hatete, karta ofisial neebe nia simu husi Embaixador Xina nee karta kongratulasaun neebe hatoo husi Prezidente Republika Popular Xina, Xi Jinping ba nia hafoin eleitu ba Prezidente Republika periodu tinan 2022/2027.
“Karta neebe hau simu nee, karta kongratulasaun ofisial husi Prezidente Xi Jinping, neebe fo sai ona iha media Xina, ohin mak Embaixador Xina entrega formalmente,” hatete Ramos Horta iha gabinete Nobel ba Paz, Farol, Dili, Kuarta nee (04/05/2022).
Prezidente eleitu nee relata, karta nee mai tiha ona iha loron hirak liu ba, nunee ohin mak iha sorumutu nee Embaixador Xina entrega ofisialmente.
Kontinua ba pajina 2
