DILI, STLNEWS.co – Timor Leste (TL) sai membru ASEAN hanesan politika interna ba kandidatura Prezidente Republika ho Numeru sorteu 1, José Ramos Horta.
“Tinan 10 liu ba hau koalia ona ho ministru balu iha rai liur neeba, sira dehan seidauk bele Timor Leste atu sai mamebru ASEAN, tan nee maka ita dada, maibe agora ita bele ona sai membru ASEAN, tanba ita nia preparasaun hahu diak ona atu Timor Leste sai membru ASEAN,” dehan Horta ba jornalista sira iha sentru votasaun sede Suku Metiaut, Dili, Tersa nee (19/04/2022).
Nia hatutan, karik Timor Leste sai membru ASEAN iha tinan 10 ba kotuk mak hasoru los problema boot, tanba Timor Leste seidauk preparadau no seidauk iha kapasidade no la komprende funsionemtu ASEAN nee oinsa.
“Hau hanoin konsiensia politika no diplomata nee iha ona, maibe kestaun deit maka lideransa ASEAN desidi wainhira mak Timor Leste atu tama ASEAN, karik nia dehan 2022 ou 2023, ita prontu hein desizaun sira nee,” dehan José Ramos Horta.
(mad/gui)