DILI, STLNEWS.co – Prezidente eleitu Jose Ramos Horta hatete, serimonia fo tomada de pose ba prezidente eleitu ba periodu tinan 2022-2027, neebe sei dirije husi Prezidente Parlamentu Nasional (PPN) Aniceto Guterres.
Prezidente eleitu Jose Ramos Horta hatoo kestaun nee ba jornalista, wainhira remata hasoru malu ho atual Prezidente Republika Francisco Guterres Lú Olo iha Palasiu Prezidente Bairru Pite, Kuarta nee (27/04/2022).
“Serimonia tomada de pose sei prezide husi Prezidente Parlamentu Nasional atual, tinan rua mai nee nia mak dirije servisu iha Parlamentu Nasional, nia mak sei prezide serimonia tomada de pose tuir nia knaar,” dehan Horta.
Prezidente Parlamentu Nasional Aniceto Guterres mos hatete, prontu atu fo tomada de pose ba Prezidente eleitu Jose Ramos Horta.
“Wainhira kandidatu Jose Ramos Horta eleitu prontu fo tomada de pose ba nia, se eleitu mak disolve Parlamentu Nasional nee programa ninia atu realiza ka la realiza problema ninia,” dehan nia.
(eme)
