Horta: Xanana Lahamutuk Governu Interven Covid-19, Ema Mate Barak Ona

Eis Prezidente Republika, Jose Ramos Horta. (Foto: Espesial)

DILI, STLNEWS.co – Eis Prezidente Republika, Jose Ramos Horta hatete, lider karismatiku Xanana Gusmão la servisu hamutuk ho governu no estadu Timor Leste, karik oras nee ema mate barak ou lubuk ona. Dehan Horta ba jornalista, bainhira remata ho Prezidente Republika, iha Palasiu Prezidente Nicolau Lobato, Bairru Pite, Dili, Tersa (30/03/2021).

“Se governu iha fulan Fevereiru, Marsu liu ba hamutuk ho Prezidente Republika, Parlamentu, hanesan lider boot hanesan maun Xanana, servisu la hamutuk la interven, karik ema lubuk ida mate tiha ona, portantu iha konsensus nasional hotu hotu kolabora, hau rasik mos partisipa,” dehan Horta.

Nia hatutan, halo prevensaun katak uza maskra, nafatin fase liman ho sabaun no labele halibur malu ema barak, maibe governu mos halo esforsu dada vasina mai liu husi programa OMS.

Entretantu iha enkontru nee Prezidente Republika, Francisco Guterres Lú Olo mos hatoo ninia preokupasaun konaba ba Covid-19 nee rasik.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here