Husu Governu Autoriza Ró Susesu Halo Operasaun Normal

DILI, STLNEWS.co – Reprezentante povu iha Parlamentu Nasional (PN) kontinua husu ba Governu atu autoriza Ró Susesu, halao operasaun normal ba Oecusse, hodi transporta komunidade sira ba mai, importante kumpri regras. Operasaun Ró Tranship II labele, tanba kondisaun ladiak, tanba nee autoriza Ró Susesu.

Kestaun nee hatoo husi Deputada husi Bankada CNRT Lúcia Taequi hatete, ema hotu hatene katak situasaun agora EE sei kontinua, mezmu serka sanitária (SS) define deit ba Munisipiu 12 neebe mak iha kazu Covid -19 aas. Ho situasaun ida nee impaktu tebes ba povu ho Oecusse oan atu halo viagem. Maibe agora Dili komesa ona transporte públiku movimentu normal ona, tanba nee husu governu autoriza mos Ró Susesu halao operasaun normal ba Oecusse.

“Iha Dili SS ho KO, depois movimentu Ró ba Oecusse mos lalao. Maibe agora dadaun Governu liu husi Konsellu Ministru hasai ona KO no kontinua estende SS ba loron 7, hodi fo mos autorizasaun ba transporte públiku iha Dili laran sirkula ona. Neebe hau husu ba Governu atu halo koordenasaun ho Prezidente RAEOA atu haree oinsa Ró ba Oecusse nee operasaun normal fali”, katak Lucia ba STL, Kinta (24/06/2021) iha PN.

Nia dehan, durante nee nia preokupa tanba antes implementa SS, Oecusse oan sira mai iha Díli, hodi servisu, eskola inklui halao atividades neebe hodi sustenta sira nia moris. Maibe implementa SS, nee difikulta tebes ba sira atu halao atividades hodi haree ba nesesidade loron-loron. Husu atu Ró operasaun normal fali maibe, importante mak kumpri regras ka protokolu OMS nian, hanesan uza maskra, fase liman, no distansia.

Tuir nia, agora operasaun Ró ba Oecusse nee seidauk normal, tanba bainhira Ró operasaun há não ser que emprezariu sira aluga. I durante nee mos iha estudantes ho povu Oecusse barak neebe preokupa ba atu fila ba Oecusse maibe susar tanba transporte, no sai viral.

Nudar reprezentante povu iha PN, espesialmente ba Oecusse husu atu Governu autoriza Ró Susesu hodi Halo operasaun, labele Ró Tranship II.

Tuir nia, transporte iha Díli movimentu normal ona, neebe husu atu Ró operasaun ba Oecusse mos normal ona, atu nunee konunidade sira bele halao no atividades atu haree ba sira nia moris loron-loron.

Entretantu observasaun jornalista STL haree katak, oras nee dadaun iha Munisipiu Díli, governu levanta ona konfinamentu obrigatóriu (KO), maibe kontinua renova serka sanitaria (SS), maibe autoriza ona transporte públiku halao movimentu ba mai.*

Reportajen: Guilhermina Franco/Madalena Horta
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: