IADE Kapasita Membru CCI-TL

Institute apoiu de Emprezarial (IADE) servisu hamutuk ho ILO no INDIMU, fo formasaun ba setor privadu neebe hamahan aan iha Camara Comersiu Industria Timor Leste (CCI-TL). (Foto: STL/Madalena Horta)

DILI, STLNEWS.co – Institute apoiu de Emprezarial (IADE) servisu hamutuk ho ILO no INDIMU, fo formasaun ba setor privadu neebe hamahan aan iha Camara Comersiu Industria Timor Leste (CCI-TL).

Liu husi intervista Ministru Koordenador asuntu Ekonomia (MCAE), Joaquim Amaral hatete, politika ba formasaun ida nee hahu kedas iha tinan 2020, maibe tanba situasaun Covid maka foin realize fila fali, ida nee hanesan oportunidade diak atu formadu sira bele iha konesementu neebe diak kona ba sira nia negosiu, atu nunee sira fila ba ida idak nia fatin, bele fahe tutan fali matenek neebe sira hetan ona nee ba sira nia maluk sira seluk.

”Hau hanoin formasaun nee importante tebes ba ita nia setor privadu sira, tanba nee ohin formadu husi Munisipiu 4 maka hetan uluk hanesan Dili, Ermera, Viqueque no Bobonaro, tan nee politika governu nian ba oin ita sei hare fali Munisipiu sira seluk neebe seidauk, tanba oportunidade ba ema hotu atu hetan, importante maka inisiativa no kreatividade formadu sira nian,” dehan MCAE, Joaquim ba jornalista, iha Salaun Joao Paulo II Comoro, Dili, Segunda (25/01/20201).

Nia afirma, atu aslera politika governu nian hodi halo rekuperasaun ekonomia maka, tenke fasilita diak liu joven sira neebe maka atu hahu sira nia negosiu, tanba nee formasaun sira hanesan nee importante tebes atu joven sir abele uza oportunidade nee ho diak.*

Reportajen: Madalena Horta/Jacinta Sequira
Editora: Carme Ximenes

LEAVE A REPLY

Please enter your comment!
Please enter your name here