IDN Halo Abertura Seguransa Xefe Suku

Institute Defesa Nasional (IDN), halo abertura segundu faze, kona ba seguransa defesa ba xefe suku 442, husi munisipiu 12 inklui RAEOA. (Foto: STL/Donaciano Magalhães)

DILI, STLNEWS.co – Institute Defesa Nasional (IDN), halo abertura segundu faze, kona ba seguransa defesa ba xefe suku 442, husi munisipiu 12 inklui RAEOA.

Koordenador kursu Seguransa Defesa nasional, (IDN) Nuno Corvelo Sarmento hatete atividades ba loron ohin nee, hanesan abetura formasau ba xefe suku sira nian ba dala rua, iha nivel avansadu uituan, liuliu kona ba material neebe sira simu tiha ona iha primeiru nivel.

“Ohin ita haree katak ita iha faze ida nee xefe suku balun neebe maka la tuir formasaun iha faze ida nee, nee maka ami fo esensaun tanba sira la lakon buat ida, partisipa iha,loron rua nia laran hodi hetan netik konesimentu oan ruma, kona ba oinsa sira bele jere no kombate situasaun krize ruma neebe mosu iha sira nia leet,” dehan nia ba jornalista sira, iha CCD Merkadu Lama, Dili, Segunda (21/12/2020).

Nia esplika, materia neebe maka sira simu, maibe bazeia liu ba iha sistema disiplina oinsa sira bele jere no koordena iha situasaun no krime ruma, hanesan krize naturais, neebe maka bele mosu iha sira nia leet.

Koordenador kursu Seguransa Defesa nasional, (IDN) Nuno Corvelo Sarmento. (Foto: STL/Donaciano Magalhães)

Liu liu mos ba fulan Dezembru ba iha situasaun ida nee, oinsa mak sira bele kombate, Covid-19 nee, nunee sira bele haree ho diak ba futuru.

Nuno dehan, sira iha intrese boot tebes husi xefe suku sira atu partisipa iha kursu nee, nomos sira mos ezije katak kursu nee labele hapara iha nee deit, maibe bele karik iha tan ninia kontinualidade ba iha futuru.

“Sira konsege hetan duni hodi habelar no haforsa sira nia konesimentu, hodi bele halao atividade ruma kona ba situasaun sira nee,” dehan nia.

Nia hatutan, tanba formasaun ida nee laduun kompletu maibe sira nafatin fahe ba sira, nunee bele orienta sira atu bele apoia sira nia forma ho jere, iha entidades neebe mak relavantes atu bele infrenta situasaun.

“Ami iha planu barak tebes, planu atu halo programa oioion konaba situasaun sira nee liu liu ba area seguransa defesa nasional, maibe depende apoiu husi governu, karik ita nia goveru fo apoiu ami sei la hapar,” dehan nia.

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here