Idul Adha Signifikativu Ba Komunidade Musulmanu

DILI, STLNEWS.co – Prezidente Republika Francisco Guterres Lú Olo hatete, Idul Adha hanesan loron neebe mak signifikativu boot tebes ba komunidade Musulmanu sira.

Prezidente Republika Francisco Guterres Lú Olo hatoo kestaun nee liu husi mensajen neebe mak lee husi Xefe Kasa Sivil Francisco Maria De Vasconcelos Iha Salaun Masjid Kampung Alor, Dili, Tersa (20/07/2021).

“Maun, bin no alin sira husi Konfisaun Musulmana Idul Adha hanesan loron neebe iha signifikadu boot tebes ba komunidade musulmana sira hodi selebra, laos deit iha Timor-Leste maibe iha mundu tomak. Idul Adha fo sentidu boot tebes ba komunidade musulmana iha Timor-Leste no iha mundu oinsa halo sakrifísiu, no momentu ida neebe hasae ita boot sira nia fiar ba ALLAH, hodi hametin relasaun entre ema ba ema no hasae kualidade moris liu hosi asaun sosial sira,” katak Lú Olo.

Iha mensajen PR nee dehan, sakrifísiu neebe komunidade musulmana halo iha loron importante nee mak sosa no oho animal sira hanesan bibi no karau hodi fahe ba maluk sira neebe presiza, liu liu ba sira neebe susar hetan aihan iha moris lorloron nian. Atu ida nee hasae liutan ita boot sira nia asaun konkreta hodi hakaat ba dalan foun moris nian neebe nafatin mai ho valor fiar ba relijiaun, unidade, fraternidade no sentidu solidariedade.

Nia hatutan, estadu emerjensia nafatin eziste enkuantu moras Covid-19 fo ameasa ba vida umana iha Timor-Leste. Iha momentu ida nee, maluk barak mak presiza tebes tulun ka apoiu. Iha loron sakrifísiu ida nee PR fiar metin, katak komunidade sei hatudu nafatin sentidu solidariedade ba maluk sira neebe vulneravel liu hodi hasoru situasaun ida nee.

Serimonia ida nee ho nia solenidade rasik neebe PR respeita no sai testemuñu ba Timoroan nia espiritu toleránsia relijioza, katak hatene simu malu, respeita ida-idak nia fiar, tuir Konstituisaun Repúblika Demokrátika Timor-Leste haruka.

Iha Fatin hanesan Vise-Prezidente Konsellu Nasional Izlamika Timor-Leste, Abdullah Inacio Antonio Soares hateten, selebrasaun ba Idul Adha, nee hanesan tradisaun ida ba ema musulmanu iha mundu tomak kada tinan hodi selebra loron Idul Adha hodi hametin fiar ba Maromak.

Inacio hatutan, signifikadu hosi Idul Adha nee hanesan doutrina ida ba sira oinsa atu hametin fiar, tuir profeta Abrão neebe halo teste fiar nian makaas liu hosi nia oan mane profeta Ismael oinsa fo fiar ho laran nafatin ba Nai Maromak.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: