Iha Antesedente Kriminais Hatodan Nia Pena

DILI, STLNEWS.co – Ema neebe tama tiha prizaun, sai mai liur maka komete tan krime, nee hatudu iha ona antesedente kriminais, no desizaun husi tribunal sei hatodan pena neebe hetan.

“Ema ruma iha ona antesedente kriminais no iha sirkunstansia hatodan tan nia pena, bazeia ba artigu 52 numeru 1 husi kodigu penal Timor Leste nian,” dehan Jurista Sergio Dias Quintas ba STL, Kinta (08/07/2021).

Nia esplika tan, tanba nee iha desizaun juiz sira sei tetu hotu, hodi fo pena neebe todan ba nia, tanba hare ba nia antesedente kriminais nee.

Iha fatin ketak, Prezidente Asosiasaun Majislatura Judisial Timor Leste (AMJT), Antonino Gonçalves dehan, atu tama iha julgamentu juiz sira sei husu konaba antesedente kriminais.

“Tenke hare nia antesedente kriminais, sura hotu atu tetu kazu keta ketak, no iha julgamentu mos juiz sira sei husu se nia nega, sira haree husi rejistu kriminal nee sira bele hatene,” dehan nia.

Nia fo ezemplu, hanesan desizaun juiz haree se nia seidauk komete krime foin primeira vez juiz sei tetu, maibe se nia komete ona krime sai iha liur maka komete tan krime, ida nee mos juiz sei tetu oin seluk ona, bazeia ba juiz ida idak nia desizaun tuir lei neebe iha. *

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: