Impaktu SS – KO Impede Objetivu FRETILIN

DILI, STLNEWS.co – Vise Presidente Partidu FRETILIN Francisco Miranda Branco dehan, ho pandemia Covid-19 neebe afeta Timor Leste, hodi estadu implementa Serka Sanitaria (SS) ho Konfinamentu Obrigatoriu (KO), impede objetivu partidu FRETILIN nian ba iha kongresu nasional.

Nia dehan, relasiona ho kongresu partidu FRETILIN nian, se karik laiha pandemia tuir ajenda to’o fulan Novembru remata.

“Maibe, ho SS no KO, entaun impede saida mak objetivu partidu nian, tuir lolos estrutura sira iha baze nee ami halo estruturasaun hotu ona mai to’o munisipiu sira, depois iha nivel nasional komisaun politika nasional bele reuni hodi bele deside ajenda iha Komite Sentral FRETILIN nian atu define mos ajenda ba kongresu nasional,” dehan nia ba jornalista sira iha PN,  Kuarta (08/09/2021).

Nia tenik, maibe tanba ho situasaun ida agora entaun ajenda sira nee labele realiza, i kuandu numeru pozitivu Covid-19 iha Timor Leste menus, no desizaun husi estadu bele loke ona mak buat hotu bele realiza fali, maibe agora seidauk iha data definitivu.

Iha fatin hanesan III Vise Partidu PLP Maria Angelina Lopes Sarmento dehan, relasiona ho informasaun Prezidente Partidu PLP  sei la avansa kandidatura ba eleisaun prezidensial nian, nia parte labele pronunsia iha nee.

“Hau labele pronunsia iha nee, tanba ida nee sei liu husi desizaun iha kongresu no husi kongresu mak sei foti desizaun, no kongresu mak fatin neebe atu hola desizaun ba partidu nia lalaok ba futuru,” dehan nia.

Nia dehan, konaba kongresu Partidu PLP tuir lolos despaixu husi Prezidente Partdu PLP nian atu realiza iha fulan Outobru nia laran.

Nia tenik, maibe tanba agora sei iha hela SS no KO, entaun ajenda ba kongresu nian adia fali ba data indeterminadu, entaun se mak deside fali data kongresu nee, sei define iha partidu nia estatutu.*

Reportajen: Domingas Soares

Editor: Ekipa STL  

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: