Implementa EE, Laatende Povu Sai Husi Situasaun Emerjensia

DILI, STLNEWS.co – Bankada KHUNTO iha Parlamentu Nasional (PN), preokupa implementa estadu emerjensia (EE) no serka sanitaria (SS), governu la atende ba povu sai husi situasaun emerjensia nee.

Preokupasaun nee hatoo husi Luis Roberto, Deputadu Bankada KHUNTO, atual Segundu Vice PN hatete, hakarak atu koalia kona ba atendementu emerjensia ba populasaun iha territoriu laran, dala barak bankada KHUNTO, hanesan nia rasik hakilar iha PN katak implementa EE, maibe dala barak atendimentu fora husi kontekstu emerjensia, tanba atendementu nee lao nei-neik demais.

“Haree ba ita nia povu agora nee infrenta hamlaha, neebe governu buka oinsa atu halo atendimentu emerjensia ba ita nia povu sira neebe mak agora dadaun sofre ba hamlaha,” lamenta Luis iha plenaria PN, Segunda (10/05/2021).

Nia lamenta, agora bele koalia kona ba atu halo ponte ka estrada, maibe atu hatete katak ponte ho estrada nee se mak atu lao ba, ida nee povu mak sei lao.

“Maibe agora mak povu mate tanba hamlaha halo nusa? Tanba nee importante liu atu fo atendementu emerjensia ba nesesidade povu,” kestiona reprezantente povu nee.

Nunee mos Deputadu husi Bankada PLP, Noé da Silva hatete implementa EE no SS, maibe agora dadaun informasaun neebe iha katak iha munisipiu sira inklui iha Dili laran, komunidade sira komesa infrenta ba hahan. Tanba nee husu ba governu atu toma atensaun hodi lalais foti medidas atu rezolve kestaun sira neebe povu hasoru.

Entretantu hatan ba kestaun nee, Prezidente Parlamentu Nasional Aniceto Guterres hatete, ho preokupasaun sira nee sira, hein parte governu semana oin mai iha plenaria PN, mak responde dala ida.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: