Implementa KO, Meius Evita Rapidamente Moras Covid-19

DILI, STLNEWS.co – Governu implementa Konfinamentu Obrigatoriu (KO), nee meius ida atu evita rapidamente surtu Covid-19 inklui variante Delta ba komunidade sira.

Kestaun nee hato’o husi Diretor HAK Xisto dos Santos ba STL liu husi telefone, Domingo nee (29/08/2021) hatete, implementa konfinamentu obrigatoriu nee meius ida atu bele evita moras labele daet ba komunidade sira nia leet.

“Implementasaun KO nee nuudar meius ida atu temporariamente hodi evita, nunee labele rapidamente moras nee labele daet ba ema barak ho eskalasaun boot iha tempu neebe mak imediata,” katak nia.

Nia hatete, atu rezolve Covid-19 ka lae nee laos dependente deit ba desizaun neebe mak foti dala ida nee, maibe nee esforsu neebe gradualmente no regulamente foti maibe tenke frudente katak atu asegura no garante moras nee labele daet nee depende ba ema hotu nia konsiensia.

Xisto hatutan, Governu laiha ona dalan uniku seluk, dalan neebe foti mak tenke buka medida ida neebe mak halo atu nunee biar iha situasaun defisil maibe estadu la abandona nia obrigasaun hodi tau matan ba nia sidadaun nia direitu ba vida.

“Implementasaun konfinamentu obrigatoriu iha tempu agora bazeia mos referensia neebe mak periodu ba kotuk, hanesan inisiu tinan ida nee HAK sempre rekomenda katak biar iha konfinamentu obrigatoriu maibe iha espasu nafatin hodi fo dalan ba komunidade sira atu asesu ba nesesidade baziku mak aihan, se hirak nee labele no estadu lahalo ida nee estadu viola hela direitu humanus,” dehan nia.

Nia hatutan, Governu halo ona mudansa ba maneira neebe mak oinsa kontinua implementa konfinamentu obrigatoriu maibe nafatin espasu ba komunidafe atu buka nafatin moris.

Governu laiha kbiit atu fornese nesesidade baziku iha tempu imediata, tanba nee iha serka sanitaria ou konfinamentu obrigatoriu ida nee merkadu nafatin loke soke transporte publiku mak lalao, negosiante ambulante kontinua lao.

Governu liu husi reuniaun Konsellu Ministru (KM) deside implementa hikas konfinamentu obrigatoriu ou konfinamentu domisiliariu jeral ba populasaun Munisipiu Dili durante loron hitu (7) hahu entre tuku 00:00 OTL loron 27 fulan Agostu too tuku 23:59 OTL loron 2 Setembru.

Tuir Ministru Prezidensia Konsellu Ministru (MPKM), Fidelis Leite Magalhães katak, hafoin membru KM rona aprezentasaun husi Sala Situasaun Sentru Integradu Jestaun Krize (SIJK) konaba pontu situasaun epidemiologia iha teritoriu laran, liu liu variante Delta neebe hahu fo ameasa Timor Leste, mak KM deside Implementa hikas konfinamentu domisiliariu jeral ba populasaun Munisipiu Dili.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: