Implementa Swab Obrigatoriu, Tenke Halo Sosializasaun Ba Komunidade

DILI, STLNEWS.co – Governu implementa teste swab obrigatoriu, maibe tenke halo uluk sosializasaun ba komunidade sira labele kaer no obriga ba tuir swab.

Analizador Politika Universidade Nasional Timor Lorosae (UNTL), Felisberto de Carvalho Governu hatete, tenke halo mapamentu ba area risku neebe mak iha ona transmisaun lokal, hodi nunee komunidade sira iha area refere obrigatoriu tenke tuir swab.

“Governu foin halo mudansa ba lei EE horisehik, lei nee obriga sidadaun hotu atu halo teste swab, maibe tenke sosializa lai komunidade sira, labele kaer no obriga komunidade lori ba swab,” dehan Felisberto ba STL, liu husi telefone, Kinta (06/05/2021).

Nia dehan, fo esplikasaun ba komunidade para sira hatene objetivu husi swab. Selae komunidade sira sei la partisipa ou sei halo rezistensia.

“Governu halo buat hotu ho instan no lalais, mak sei laiha rezultadu no sei la hakotu korente transmisaum Covid-19 iha ita nia rai,” katak nia.

Iha fatin ketak, observador politika UNDIL, Hugo Lourenço da Costa dehan, governu nee komplikadu haruka mai halo tiha karta ba atu halo swab ba estudantes, maibe sira lamai.

Nia dehan, governu uja poder konforme tuir ninian gostu ema dehan katak, mantein disiplina tuir estandar WHO nee uza maskra, distansia sosial, no fase liman bebeik.

“Maibe ita nia lae, kaer ema iha dalan mos ba swab hotu, ida nee ladiak, ida nee mak bolu dehan abuzu poder,” hakotu nia.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: