Inan Aman Iha Responsabilidade Forma Oan

DILI, STLNEWS.co – Forma oan sira atu sai karakter neebe mak diak no respeita sosiedade no familia, ida nee responsabilidade inan aman sira nia.

Membru Asembleia Konstituinte no Aktivista Feto, Judite Dias Ximenes ba STL via telefone Sesta nee (25/06/2021) hatete, oan nia futuru atu sai diak nee responsabilidade masimu husi familia ou inan aman rasik.

Ativista feto nee hatutan, moris nee, presiza atu hadiak atu ema hotu bele moris hakmatek, iha dezenvolvimentu, iha lolo liman ba malu, iha autoestima, iha liberdade espresaun no responsabilidade, ema iha kbiit ba an rasik, ba familia no ba sosiedade, iha ema, familia no lider modelu, iha natureza furak, foho, tasi, bee neebe ema sei ba haree ho família no ho belun sira.

“Hakarak ka lakohi fila fali ba familia, inan-aman no uma-laran mak asumi responsabilidade importante ba oan sira nia futuru. Tanba antes atu tama iha sosiedade ida labarik sira tenke prontu ona kontribui no serbí. Uma-kain nuudar família nukleu, forma oan sira atu iha karakter diak, iha maturidade, iha responsavel, iha respeitu ba ema no natureza, iha neon badinas no matan moris, hatene lolo liman, sensivel ba situasaun nst neebe ho valores no etikus hanesan umanu no hanesan ema Timor-oan,” hatete Judite.

Judite Dias Ximenes (Foto: Espesial)

Eis Prezidente Rede Feto nee hatutan, oan barak la halo buat ida, gosta depende deit ba inan aman no ba ema seluk. Iha família patriarkal nia laran mane sira barak liu la halo servisu. Servisu uma-laran feto sira mak halo. Labarik barak la tauk inan-aman, lao lemo-lemo, agresivu, koalia lia aat sira nst, tan nee, inan-aman sira tenke eduka oan sira atu iha disiplina, oinsa respeita no tauk ema seluk (liu liu inan-aman sira), iha no hatene respeitu (la estraga sasan no la estraga ema seluk), hatene uza lia-fuan sira mak iha valores etikus, badinas atu estuda no badinas atu servisu, hatene fo ulun ema seluk.

Entretantu Prezidente Republika (PR), Francisco Guterres Lú Olo mos hatoo mensajen katak, iha familia inan aman nia responsabilidade ba oan sira nee importante tebes, liu liu inan aman sai hanesan airin neebe mak forte iha familia.

“Liu liu nuudar inan, riin forte neebe fo balansu ba ita ida-idak no tane família ida-idak atu sai forte no saudavel ba beibeik. Inan hatene hakiak no fahe domin, hatene hametin laran-hakmatek no responsabilidade ba sira-nia oan, ho nunee ita bele sustenta paz no estabilidade iha ita-nia rai doben,” hatete PR.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: