Inan Aman Papel Importante Tau Matan ba Oan sira

DILI, STLNEWS.co – Inan aman nia papel importante tebes hodi tau matan ba oan sira no apoiu sira oinsa sai labarik neebe mak diak iha futuru.

Kestaun nee hatoo husi aktivista feto, Judite Dias Ximenes ba STL iha knaar fatin Universidade Nasional de Timor Lorosae (UNTL), Sesta (04/06/2021). Nia hatete inan aman laos buka osan hodi dudu oan atu asesu eskola deit maibe inan aman mos papel importante oinsa tau matan, no fo hanoin neebe mak diak ba oan sira atu sai labarik neebe mak iha moral no konsensia atu sai labarik diak iha futuru.

“Tanba nee mak inan laos Iha dever atu buka osan hodi oan sira atu asesu ba edukasaun deit, maibe inan mos iha papel neebe mak importante oinsa mak buka osan, aleinde nee oinsa mak kontrola oan sira no fo hanoin ba labarik sira atu nunee labarik sai ema neebe mak diak, no hatene hadomi, hatene agradese ba buat hotu, sai labarik neebe mak diak iha futuru,” hatete aktivista feto nee.

Eis Prezidente Rede Feto nee hatutan, inan aman laos buka osan deit, maibe husik tempu mos oinsa kontrola oan sira no buka tempu oinsa mak koalia ho oan sira iha uma fo hanoin, nee importante los.

Labarik neebe mak husi idade 0 too 17 nee dever inan aman nia hodi tau matan, laos idade 18 ba leten inan aman haluha ona, maibe kontinua fo hanoin no tau matan nafatin.

Iha fatin ketak, espoza PR Cidalia Nobre Mouzinho Guterres Lopes hatutan, oras nee ho situasaun Covid-19 no kalamidade halo familia sira hasoru defikuldade oin oin, maibe inan aman papel importante hodi tau matan ba oan sira.

“Situasaun Covid nian, nomos foin mosu kalamidade neebe mak Timor Leste hasoru, ho situasaun rua neebe mak defisil tebes, inan aman iha responsabilidade nafatin atu asegura oan sira iha parte hotu, liu liu sira nia direitu, ho situasaun rua neebe mak ita hasoru Covid no kalamidade, ita hasoru defikuldade barak tebes, liu liu hela fatin ambiente iha vida moris, no situasaun rua nee mos fo impaktu ba saude publiku.” katak espoza PR.

Espoza PR hatutan, estadu Timor leste mos proteje nia sidadaun sira liu husi vasinasaun no teste massal neebe dadaun nee halo hela, se bainhira inan aman vasina bele proteje an no proteje mos labarik kiik oan sira.

Timor Leste hasoru defikuldade barak tebes, laos agora maibe husi tinan kotuk kedas, ho situasaun sira nee oinsa mak buka lolo liman ba malu hodi tulun malu iha tempu defisil nee.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: