DILI, STLNEWS.co – Forum Organizasaun Naun-Governamental Timor-Leste (FONGTIL) husu ba Institutu Nasional Defende Direitu Criansa (INDDICA,) tenki tau matan ba labarik kiik sira neebe oras nee tuir mos atividade kampanha eleitoral iha terenu.
“Ita husu ba INDDICA atu tau matan ba labarik kiik sira neebe partisipa iha kampanha,” hatete Diretor Ezekutivu FONGTIL, Valentim da Costa Pinto ba jornalista sira iha salaun FONGTIL Kaicoli, Dili, Sesta (28/04/2023).
Nia dehan, ba Orgaun Eleitoral CNE atu bele halo superviziona partidu politika sira neebe involve labarik iha kampahna, atu bele fo sansaun regor ba partidu politiku sira.
Nia informa, involvimentu labarik sira, loos katak iha duni, tanba iha situasan balun neebe familia tenki lori nia oan ba halao atividade kamphna eleitoral.
Iha fatin ketak, Prezidente CNE Jose Agostinho Belo dehan, kampahna eleisaun parlamentar, govenru la tau artigu ida iha lei eleisaun lejislativa nia hodi proteza lori labarik ba kampanha, tanba nee labele jenarializa sira.
“Labele jenarializa ida nee, lori labarik ba kampanha maibe sira tenki lori labarik, tanba laiha ema atu haree, Timor laos hanesan eropa,” nia informa.
Nia dehan, iha Komisaun Nasional Direitu Labarik iha atu fo protesaun labarik sira, tanba iha lei labarik labele tuir akampanha eleitoral, maibe tenki haree mos situasan husi inan-aman nian.
Nia hatutan, tuir informasaun labarik sira agora iha ameansa mosu iha fatin-fatin katak, ema naok labarik, tanba labarik sira mos gosta halimar ba liu tasi ibun, depois barak mak sai vitima mos.
Nunee mos Komisariu Komisaun Nasional Direitu Labarik, Maria Barreto dehan, Komisaun Direitu Labarik haree katak, lei eleisaun la regula artigu ida konaba protesaun labarik sira iha tempu akampanha eleitoral , tanba nee governu tenki toma atensaun.
“Ita rekonhese preokupasaun publiku nia durante nee lao iha ambitu kampanha eleitoral, konaba partisipasaun labarik idade minoridade ho razaun govenru la koloka artigu ida hodi regula parpol sira, regula inan-aman sira no regula entidade hotu atu involve labarik iha tempu kampanha,” nia argumenta.
Nia husu ba govenru atu tau antesan ba artigu ruma iha lei eleisaun nian, atu bele trata festa demokrasia neebe sei akontese tan iha futuru.
(jen)
