Inisiu Outobru, Ekipa Teknika Resensiamentu Eleitoral Aranka Ba Liur

DILI, STLNEWS.co – Diretor Jeral Sekretariu Tekniku Administrasaun Eleitoral (STAE), Acilino Manuel Branco informa, ekipa teknika resensiamentu eleitoral sei aranka ba rai liur iha loron 01 fulan Outobru tinan nee.

Nia hatete, tuir informasaun neebe hetan katak, husi parte diresaun jeral mos preparadu tiha ona no falta husi parte Comisaun Nasional Eleisoens (CNE – sigla portugues), tanba iha fulan kotuk iha faze tranzisaun estrutura nomos ba mandatu foun husi CNE nian, entaun ajustamentus tekniku sira balun.

“Antes nee, ita planeia data neebe atu desloka mak horiseik 14/09/2021, maibe husi parte balun presiza atu halo ajustamentu iha tekniku, entaun konkorda atu adia fali ba iha inisiu Outobru,” dehan Manuel Branco ba STL iha knaar fatin Caikoli, Dili, Kuarta nee(15/9/2021).

Acilino haktuir, liga mos ho aviaun tama mai Timor, tanba aviaun dala ruma tama sedu liu mak semana rua mai dala ida, maibe dala ruma to’o fulan ida mak foin mai fali, maibe konforme tekniku sira buka informasaun ajensia aviaun sira hotu katak, aviaun sei mai fali iha fulan Outobru.

Tanba agora infrenta hela situasaun Covid-19 neebe mak afeta mundu tomak, tanba nasaun sira neebe agora atu ba mos Covid-19 afeta makaas, liu – liu ba Australia, tanba Australia desizaun governu atu halo resensiamentu iha fatin tolu.

Maibe neste momentu, informasaun neebe mak ami hamutuk ho Ministretiu Negosiu Stranjeiru no Kooperasaun (MNEK) asesu liu husi  Embaixada Australia katak, to’o agora Australia sei aplika hela Konfinamentu Obrigatoriu (lockdown), sidadaun sira husi estadu ida ba fali estadu seluk, nee mos tenke aplika 14 dias no laiha aviaun neebe mak tama sai husi Australia. Entaun difikulta mos ba ekipa sira atu ba iha neeba.  

Hanesan mos Korea iha semana hira ba kotuk mos informasaun katak, husi diplomata sira mos aplika lockdown no so Inglatera, Europa, Portugal mak la aplika.*

Reportajen: Blandina Mauno/Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: