Intensidade Udan, Komunidade Dili Sofre Inundasaun

Intensidade udan neebe hahu iha loron Sabadu, too ohin Domingu minutu ida nee, seidauk para, halo komunidade iha Dili laran sofre inundasaun, iha bairru-bairru, enkuantu Tasi-Tolu bee nalihun hanesan Lagua. (Foto: STL/Guilhermina Franco)

DILI, STLNEWS.co – Intensidade udan neebe hahu iha loron Sabadu, too ohin Domingu minutu ida nee, seidauk para, halo komunidade iha Dili laran sofre inundasaun, iha bairru-bairru, enkuantu Tasi-Tolu bee nalihun hanesan Lagua.

Situasaun udan ho intensidade makas nee, hahu iha loron Sabadu mai too ohin Domingu (04/04/2021), neebe halo komunidade hotu iha Dili laran sofre inundasaun, hanesan iha Tasi-Tolun, bairru-bairru, bee nalihun no naksulik hanesan lagua ka mota.

Tuir observasaun jornalista STL haree katak, inundasaun nee akontese tanba udan, neebe hahu iha Sabadu loron mai too Sabadu kalan udan been mai boot liu tan, too ohin Domingo iha minutu ida nee kontinua udan, nunee komunidade sira hahu sofre ba inundasaun.

Foto: STL/Guilhermina Franco

Inundasaun nee, bee nakonu iha bairru-bairru, iha uma balu bee latama uma laran, maibe uma balu bee tama too uma laran. Situasaun natureza nee, halo komunidade hotu preokupa, maibe nee mak realidade neebe iha mai husi natureza. Maibe ho sofrementu neebe komunidade hotu iha Dili laran infrenta, presiza atu governu atu kontola husi bairru-bairru nunee haree komunidade neebe la seguru hodi bele evakua lalais ba iha fatin seguru.

Informasaun neebe STL asesu liu husi rede sosiais, iha komunidade balu neebe lakon ona vida ba situasaun refere, tanba nee governu obrigatoriumente atu lalais buka meius oinsa salva komunidade sira.*

Reportajen: Guilhermina Franco
Editora: Josefa Parada

LEAVE A REPLY

Please enter your comment!
Please enter your name here