Intervensaun SAS Kanaliza Bee Mos Laiha Rezultadu

Xefe Suku Colmera, Armenio da Silva. (Foto: STL/Blandina Mauno)

DILI, STLNEWS.co – Iha tinan 2015-2016 intervensaun husi Servisu Agua Saneamentu (SAS), atu kanaliza bee mos ba komunidade suku Motael, maibe too oras nee laiha rezultadu.

Dehan Xefe Suku Colmera, Armenio da Silva ba STL, iha knaar fatin Colmera, Dili, Kuarta (07/04/2021).

Nia dehan, sei halo instalasaun bee nee laiha espasu ona, maibe ita nia populasaun barak mak sei presiza bee mos, nee frakeza politika governu oinsa atu bele kanaliza bee mos ba ninia povu kada Suku ka Bairru.

“Iha 2015-2016 intervensaun husi SAS katak distinadu Motael nian, halo perfura foun ida iha Cacaulidu para atu kanaliza mai Motael, maibe too agora laiha rezultadu,” dehan nia.

Armenio hatutan, maibe ita hein governu Covid-19 no natureza mai hurlele ita, oinsa normaliza governu ida nee ba oin ita atu haree, nia diak ba dezenvolvimentu oinsa, nee ita hotu hein tinan oin mai.

Aleinde nee, bee dalan bainhira atu normaliza iha Colmera nee bee labele sai katak, bee dalan tun mai husi Katedral oin, nia hanoin Colmera lamosu ona inundasaun no mos bee dalan boot husi Akait nia oin no Liceu, ida nee planeadu too agora.*

Reportajen: Blandina Mauno/Natalina Lopes
Editor: Ekipa STL

LEAVE A REPLY

Please enter your comment!
Please enter your name here