Investiga Aviaun Para Derepenti Iha Aeroportu

Xefe Estadu Maior Jeneral F-FDTL, Major Jeneral Lere Anan Timur. (Foto: STL/Emerenciana Pinto)

DILI, STLNEWS.co – Xefe Estadu Maior Jeneral Falintil Forsa Defesa Timor Leste (F-FDTL), Lere Anan Timur husu ba governante sira, atu halo investigasaun ba aviaun VH-ILJ neebe tula pasiente Diplomata WFP Australia, husi Jakarta (Indonezia) para derepenti iha Aeroportu Internasional Presidente, Nicolau Lobato.

Kestaun nee Lere hatoo ba jornalista sira, bainhira remata enkontru ho Prezidente Republika, iha Palasiu Prezidente Nicolau Lobato, Bairru Pite, Dili, Kuarta (13/01/2021).

“Aviaun ida horiseik mai tun iha aeroportu tanba deit mina maran nee laos justifikasaun, nee kalkula ona Indonezia atu semo too Timor nee mina litru hira hatene ona nee bosok ita, ba hau la fiar, mai ense tiha mina, semo roda kuak tan, roda laos ida, maibe haat kuak dala ida, tanba Governu labele taka matan liu-liu polisia sira tama konta ba ida nee labele taka matan tenke investiga, tanba saida mina maran i tamba saida semo roda kuak, labele husik deit hanesan nee,” hatete Lere.

Nia hatutan, Timor nee nasaun soberanu ida, laos merkadu ida ka diskotik ida, be ema tama arbiru deit.

Reportajen: Ekipa STL

LEAVE A REPLY

Please enter your comment!
Please enter your name here