Investiga Klean Ba Pesoal Baku Vitima

DILI, STLNEWS.co – Deputadu Bankada Fretilin, Jose Agustinho Sequeira “Somotxo”, husu atu halo investiga klean ba pesoal sira neebe mak baku vitima nain 2, husi grupu organizadu ka arte-marsial.

Nia dehan, ema baku haree deit imajen, sira mos tenke haree imajen nee hodi halo konkluzaun inisiativa propriu arte-marsial nian neebe kera sakti ninian ka, ema ruma mak fo orientasaun para sira halo atuasaun nee. Tanba saida grupu neebe mak baku nia tenke lori fali ba polisia, entaun ema sira nee autoridade ka intelijen ruma.

“Hau fo hatete ona ba komandu para investiga porfundamentu ekipa nee, tanba tuir hau, nia hatudu nia aan no nia nee se, nia grupu organizadu ka arte-marsial. Se dehan simu orden ruma husi polisia mak nia lori ba, entaun polisia nee se, mak fo orden ba grupu ida neebe nunka pertensia autoridade,” dehan nia ba jornalista sira iha PN, Tersa (23/03/2021).

Nia tenik, autoridade iha hanesan garante seguransa mak polisia ho militar, entaun grupu nee se. Deputadu sira nia kbiit mak koalia, mais se mak uza hanesan sansaun nee polisia.*

Reportajen: Domingas Soares
Editor: Domingas Gomes

LEAVE A REPLY

Please enter your comment!
Please enter your name here