DILI, STLNEWS.co – Reprezentante povu iha uma fukun Parlamentu Nasional (PN) liu husi Xefi Bankada Frente Mudansa, Isabel Ximenes hatete, lixu nafatin sai problema boot, tanba iha loron feriadu sidade Dili nakonu ho foer.
“Ita haree lixu nafatin sai problema boot tebes, liu-liu iha ferias paskua mai too iha toleransia de eleisaun, halo sidade Dili foer tebes-tebes, tanba lixu la rekolha,” dehan nia ba jornalista sira iha PN, Kinta nee (28/04/2022).
Nia tenik, parese tama ona iha loron Kinta no Sesta nee mak foin haree fali iha ona movimentu oituan, hodi ba halo rekolhamentu lixu, ida nee mos sai problema ida.
Nia hatutan, tanba nee husu ba governu karik iha kontratu halo ho empreza sira presiza haree mos pontu ida nee. Kuandu iha periodu ida neebe mak ferias sira la halo servisu loron-loron, mais hamenus iha loron 2 ka 3 tenki ba rekolha lixu nee.
(dom)
