Izola Povu, Fo Livre Estranjeiru

Diretor AHMDTL, Gaspar Afonso. (Foto: STL/Maria Tavares)

DILI, STLNEWS.co – Asosiasaun Halibur Defisiensia Matan Timor Leste (AHDMTL), la menta ho rezolusaun governu neebe implementa regra serka sanitaria, hodi limita komunidade sira nia movimentu iha rai laran, maibe ema estranjeriu kontinua tama livre.

Preokupasaun nee hatoo husi Diretor AHMDTL, Gaspar Afonso, liu husi karta komunikandu imprensa, Tersa (23/03/2021).

Nia hatete, governu implementa serka sanitaria nee rasik la ho seriedade no hamosu deskriminasaun ba nia, sidadaun sira iha rai laran, tanba fo livre fali ema estranjeriu sira hodi tama mai.

“Ema nasaun afetadu tama mai livre, maibe ita nia populasaun ita bandu tiha, husi munisipiu ida ba munisipiu seluk neebe ami la konkorda, tanba governu la seriedade implementa serka sanitaria, atu limita deit povu rasik, maibe ema nasaun seluk fo livre fali,” tenik Gaspar.

Sira nia parte preokupa tanba komunidade husi Dili ba munisipiu, munisipiu mai Dili, agora sira iha munisipu infrenta nesesidade bazika, folin sae oan sira iha Dili inan aman labele haruka hahan mai.

Nia informa ho ida nee mak AHDMTL la menta noo la konkorda, se implementa situasaun sira hanesan nee halo estudu viabilidade klean, atu nunee labele fo impaktu ba komunidade.

“Ita fo livre ba nasaun seluk, ita nia povu rasik ita izola, se ita mate tan Covid-19 nee ita nia governu loos, tanba sira halo duni prevensaun mais ema mate tanba hamlaha, ita nia nasaun ema dehan aprova osan barak kada tinan, maibe ita la seriu hodi hare situasaun hirak nee,” nia hatutan.*

Reportajen: Maria Tavares
Editora: Carme Ximenes

LEAVE A REPLY

Please enter your comment!
Please enter your name here