Janeiru Too Abril Dadur 50 Hetan Liberdade, Mate 1

DILI, STLNEWS.co – Husi fulan Janeiru too mai Abril, iha dadur nain 50 maka hetan liberdade husi Prizaun Bekora, no nain 1 mate tanba moras.

Tuir Diretor Prizaun Bekora, Joao Domingos katak, husi fulan Janeiru too mai oras nee daudaun, iha dadur nain 50 maka hetan liberdade, no balu tama foun fali.

“Janeiru too mai Abril dadur sira neebe hetan liberdade hamutuk nain 50, mate 1, no tama foun nain 37,” dehan nia ba STL, iha Prizaun Bekora, Tersa nee (19/04/2022).

Nia hatutan, dadur 50 neebe hetan liberdade, nain 4 liberdade husi prizaun preventiva hodi tuir julgamentu, no nain 46 hetan liberdade kondisional.

Entretantu, dadur neebe mate tuir gia de obitu husi doutor sira, sofre kurasaun.

Nunee, iha mos dadur balu neebe halo transferensia ba Prizaun Suai, no mos Prizaun Gleno.

Dadur neebe halo transferensia ba Prizaun Gleno hamutuk nain 41, hodi prense fatin neebe mamuk. No ba prizaun Suai ida hodi tuir julgamentu.

Iha mos dadur ida husi Prizaun Gleno muda mai Prizaun Bekora hodi halo tratamentu, no dadur ida husi Suai mai prizaun Bekora hodi tuir julgamentu.

Tuir dadus aktual agora, prizaun Bekora iha dadur hamutuk 472, prizaun preventiva 84, no restu husi nee prizaun kondenadu.

(ter)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...