Janeiru to’o Setembru, Kondenadu 70 Hetan Liberdade Kondisional

DILI, STLNEWS.co Husi fulan Janeiru to’o fulan Setembru tinan nee, Tribunal Distrital Dili (TDD) fo liberdade kondisional ba kodenadu hamutuk 70.

“Husi numeru ida nee, kondenadu sira komete krime oin – oin, no liberdade kondisional nee, kondenadu sira hetan kondenasaun husi prizaun, entaun sira kumpre ona pena iha prizaun tuir lei hatete, karik sira kumpre ona metade de pena iha direitu atu hetan liberdade kondisional,” dehan Juiz Adminstrador Tribunal Distrital Dili, Afonso Carmona ba STL iha TDD, Kinta horiseik ( 07/10/2021).

Nia hatutan, sira sai, sei kumpre nafatin obrigatoriu to’o sira nia pena nee hotu, por ezemplu nia sai husi prizaun ona, nia la bele halo tan krime seluk, karik sira sai husi prizaun ba liur mak komete fali krime ruma, entaun tenke loke fali prosesu foun ne.

Nunee kuandu liga ba liberdade kondisional, nee tribunal nia kompetensia, tanba nee mak iha fulan Janeiru to’o fulan Setembru liberta kondenadu hamutuk 70.

Juiz nee afirma, kondenadu 70 neebe hetan liberdade kondisional mai husi krime oin – oin, maibe la justifika krime sira nee.

Nia esplika, kuandu atu tama ba loron 30 nia laran, relatoriu sira tenke iha ona meza tribunal, nunee juiz idak – idak tenke fo nia pareser, tanba iha posibilidade rua, ida tribunal bele halo audisaun ba kondenadu, ida seluk tribunal fo sai kedas desizaun, tanba Ministeriu Publiku fo nia pareser.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...