Jardim 5 De Maiu Mamuk

DILI, STLNEWS.co – Jardim 5 de Maiu neebe kada loron nakonu ho vizitante sira, maibe ho implementasaun Konfinamentu Obrigatoriu (KO) iha Munisipiu Dili, jardim refere mamuk la hanesan ho loron bai – bain.

Ba STL Antonio da Silva Barros, hanesan traballador dasa rai iha jardim 5 de Maiu dehan, loron bai – bain nee vizitantes sira nakonu, maibe ohin nee KO, ema hotu hakmatek iha uma, maibe kompara ho loron bai – bain nee jardim ida nee ema nakonu.

“Ohin ami mai hamos jardim nee tuku hitu dader, depois tuku 10 ami tenke deskansa, maibe tuku ida ami hahu halao fali ami nian servisu,” dehan Antonio ba STL iha jardim 5 de Maiu Colmera, Dili, Sesta (27/08/2021).

Iha fatin hanesan, Jose Leonito Corte Real da Costa nuudar seguransa iha Jardim 5 de Maio hatete, ohin nee KO, transporte publiku la halo movimentu, nomos vizitantes iha jardim 5 de Maiu mos laiha, sira halo seguransa iha jardim refere, tama tuku hitu ho balun, no sai tuku lima ho balun.

“Ami nuudar seguransa iha nee, hanesan loron bai – bain nee rame, dala barak iha nee rame, tanba estudante sira mak mai halo sira nia tugas, balun mai hasai foto, maibe ohin loron nee ema laiha liu,” afirma nia.

Observasaun STL Sesta nee katak, fatin jardim 5 de Maiu mamuk, maibe loron bai – bain estudantes sira gosta mai iha fatin nee, inklui komunidade balun faan sira nian sasan, maibe ohin loron seguransa no traballador dasa rai deit mak iha jardim refere.*

Reportajen: Jacinta Sequeira/Emerenciana Pinto

Ekipa: STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: