Jesus Kristu Halakon Diabu

DILI, STLNEWS.co -Jesus Kristu halakon forsa diabu nia, maibe oinsa ema idak-idak nia luta atu hasoru santanas nia tentasaun hodi manan Maromak nia reinu.

Lia murak nee hatoo husi Arcebispu Metropolitana Arquidiocese Dili, Dom Virgilio do Carmo da Silva SDB, liu husi omilia wainhira prezide misa iha Katedral Vila Verde, Dili, Domingu (06/06/2021).

Dom Virgilio hatete, demoniu neebe proka arogansia, demoniu neebe provoka hanoin aat, neebe provoka ema atu baruk ho demoniu tipu oin-oin maka hamosu malisan hanesan moras.

“Mensajen furak ida mai ita nai Jesus Kristu nia sai tiha santanas husi mundu, dala barak susar mai ita hanoin kona ba ida nee, buat neebe iha ita hanoin maka reinu diabu nia neebe ita laharee forsa nee nafatin domina ita, satanas sei labele hasai husi nia tronu no kontinua halo nia knaar iha mundu,” dehan Arcebispo.

Nia haktuir, ohin rona iha evanjellu, ema fahe malu santanas kontra santanas entaun saida maka akontese laiha ona, tanba fahe malu forsa laiha ona, entaun Jesus dehan se imi uza beljebor nia naran uza santanas nia naran hodi duni sai buat aat sira nee, dehan katak imi maka konfirma no afirma los duni santanas nia forsa laiha no lakon ona iha deit ona reinu ida Maromak nia.

Nia haktuir, sala hasoru espiritu, koalia aat espiritu ka kontra evanjellu, kontra nai Jesus Kristu katak ita rekuza atu simu mensajen husi ita nai Jesus Kristu nia, ita rekuza atu simu mensajen evanjellu nia se ita rekuza, rezeita atu simu maromak nia lia fuan oinsa ita bele sai husi nakukun laran, se fila kotuk lakoi atu simu maromak nia lia fuan oinsa bele hetan perdaun.

Nee duni wainhira Jesus dehan lia fuan aat hasotu espiritu sei lahetan perdua, tanba nai maromak mai, maibe ita fila kotuk, lia fuan haklaken maibe ita laloke ita nia fuan ba Maromak entaun ita nia fuan taka metin ba Maromak nia boa nova lia fuan diak.*

Reportajen: Joaninha Belo
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...

Uma Kain 600 Kontinua Hela Iha Sentru Vokasaun

DILI, STLNEWS.co - Sekretariu Estadu Protesaun Sivil (SEPS), Joaquim Gusmão, informa relasiona ho inundasaun neebe akontese, too agora uma kain hamutuk atus neen (600)...
%d bloggers like this: