Jesus Sakrifika An Ba Ema Nia Moris

DILI, STLNEWS.co – Selebrasaun Corpo e Sangue de Cristo, Jesus sakrifika an ba ita ema nia moris liu husi Jesus Cristo nia cruz, atu kasu ema nia sala hodi moris rohan laek.

“Ohin ita selebra Corpo e Sangue de Cristo iha uma kreda, ita hakneak so iha Cristo futar isin no ran iha santissimu. Kuandu ita iha orasaun eukaristia wainhira komunga ita hakneak, nee maka sakrifisiu foun nia laos deit habosu ita, maibe atu kasu ita nia sala lori ita ba moris rohan laek,” dehan Amo Parokia São Jose Aimutin, Pe.Imanuel Lelo Talok liu husi omilia wainhira prezide misa solene Corpu e Sangue de Cristo iha Aimutin, Kinta (03/02/2021).

Padre haktuir, nee maka tempo salvasaun nia maka Jesus Cristo husi cruz tun ba altar selebra nee mensajen pastoral hatoo ba sarani doben sira karik bele hanoin, maibe sakrifisiu cruz nia eukaristia nee maka salva ita ema, nafatin ba nafatin.

Jesus Cristo dehan, se imi la hemu karik Hau nia ran, imi la han karik Hau nia isin imi sei lahetan moris, nunee sakrifisiu importante liu tanba Jesus nia sakrifisiu tuan nia, nee maka dehan lakon tempu wainhira ita fiar ona nai Jesus Cristo, maibe ita sei fila hodi halao ou lalaok uluk simples sira neebe lalori ita ba salvasaun.

“Ita mos bele sai buat karang ba maun alin sira, ita mos bele hanoin no kolen sakrifika an ba maun alin sira liu husi ita nia terus, matenek, ita nia kbiit no riku soin neebe karik iha bele hafahe ba maun alin sira neebe laiha,” dehan Amo Parokia nee.

Tuir observasaun iha terrenu, solene misa Corpu e Sangue de Cristo, sarani sira barak maka partisipa, sira kumpre nafatin protokolu saude uza maskra no fase liman.*

Reportajen: Joaninha Belo
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: