Jose Antonio Belo Simu Tomada de Pose Lidera RTTL.EP

DILI, STLNEWS.co – Eis Diretor Midia Tempo Semanal, Jose Antonio Belo simu tomada de pose husi Ministru Asuntu Parlamentu no Komunikasaun Sosial, hodi lidera Radiu Telvizaun Timor Leste, Empreza Publika (RTTL.EP) durante tinan 4.

“Ohin hau mai hamriik iha nee atu hatete ba ita boot sira katak, hau sei hatutan deit obra sira neebe kolega sira halo ona iha neeba, maibe ita presiza servisu hamutuk atu hadia diak liu tan RTTL.EP nee sai empreza ida ke forte, empreza estatal ida neebe ke halao duni nia knaar hodi sai lolos roman ba nasaun ida nee, nuudar RTTL neebe nia moto iha neeba hatete, promove dezenvolvimentu harmonia sosial no unidade nasional, ba buat sira nee ita presiza obdese ba lei komunikasaun sosial lei no 42 estatutu RTTL nian no regulamentu RTTL nian,” tenik atual Prezidente RTTL, EP Jose Antonio Belo, liu husi diskursu, bainhira simu tomada de pose husi MAPKOMS, iha edifisiu MAPKOMS, Tersa (11/05/2021).

Nia mos apresia Prezidente sesante nia servisu neebe halao tiha ona iha RTTL,EP hodi dezenvolve instituisaun nee. “Hau hakarak hatuur kultura ida ba mundansa RTTL nian liu husi produsaun informasaun neebe kredivel, faktual no kualidade orgaun estadu, tanba RTTL nee empreza estatal
atu promove governasaun ida ho orgaun estadu nian iha nasaun ida nee,” nia hatutan.

Jose Belo relata RTTL ninia rekursu umanus iha knaar nain besik ema atus 2 hotu presiza komunga espiritu ida atu habelar RTTL nee, sai empreja publiku.

Kona ba infraestrutura hafoin iha loron 4 Abril edifisiu RTTL hatudu imajem ida katak, la iha ona kondisaun ba funsionariu sira atu sira halo servisu, tanba tama ona iha kategoria ida ke grave presiza edifisiu foun.

Iha fatin hanesan MAPKOMS, Francisco Martins Jeronimo agradese ba Prezidente sesante Fransisco Gari nia servisu hamutuk ho besik tinan ida, hamutuk hodi dezenvolve RTTL agradese ba nia servisu neebe nia halo hamutuk ho entidade hotu liu liu ba diretur sira iha RTTL, hodi bele fo mensajem fo notisia ba populasaun atu akompanha sa ida mak dezenvolvimentu nasional.

“Hakarak hatoo ba Prezidente RTTL foun neebe mak simu tomada de pose ona, parabens ba ita boot nia pose neebe simu, hau hein katak ho pose ida nee, ita boot bele halao knaar ho diak,” dehan MAPKOMS Francisco Jeronimo.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: